सहिद क.रामवृक्ष यादवको स्मृति भत्काउदा महोत्तरी,खैरमाराका स्थानीयबासिन्दाहरु आक्रोषित

6 वर्ष पहिले प्रकाशित

(2077-08-23 B.S.)

2926 पटक देखिएको

मंसिर २४

सहिद क.रामवृक्ष यादवको मानसम्मान र पहिचान संग जोडिएको एतिहासिक भुमि बर्दिबास -११ खैरमारामा क.रामवृक्ष यादवकै नाममा कुनै पूर्वाधार निर्माण गर्नुको सट्टा अर्का सम्मानित व्यक्तित्व निर्मल लामाको नाम जोडिएको पूर्वाधार निर्माण गर्ने सरकारी निर्णय अपरिपक्क रहेको जनाइएको छ ।

यादवकाे तत्कालीन माओवादी जनयुद्ध तयारीकै क्रममा २०५१ भदौ २ गते धनुषाको बर्मझियामा हत्या भएको थियो। उनी पार्टीका केन्द्रीय सदस्यको जिम्मेवारीमा थिए।

महान जनयुद्धको धरोहर क.रामवृक्ष यादवको नामसंग जोडिएको जनमुक्ति सेना नेपाल , क.रामवृक्ष यादवको स्मृति बिग्रेडको कार्यालय रहेको उक्त पबित्र भूमिबाट शालिक र हसिया हथौडालाइ हटाएर क.निर्मल लामा बहुप्राविधिक शिक्षालय निर्माणले सिङ्गै जनयुद्धको अपमान हुने ,अनावश्यक मंभेद बढ्ने र सामाजिक सद्भाव बिग्रिने स्पष्ट देखिएको स्थानीयहरुले जनाएका छन ।

शिक्षा बिज्ञान तथा प्रविधि मन्त्रि गिरिराजमणि पोखरेलको निर्देशनमा भत्काइएको स्मृतिको स्थानमा गत मंसिर १६ गते उनले क.निर्मल लामा बहु प्राविधिक शिक्षालयको नमुना भवनको शिलान्याश गरेका थिए ।

त्यसैगरि सो घटनाप्रति सिङ्गो पार्टी नै आक्रोशित भएकोले हिजो महोत्तरीको खैरमारामा अनुशन्धानको लागि समिति गठन गरिएको छ ।

त्यस्तै शालिक यथास्थानमा राख्नुपर्ने ,मन्त्रि पोखरेलले क्षमायाचना गर्नुपर्ने र शिक्षालयको नाम परिवर्तन गरेर यादवको नाम हुनुपर्ने त्यहाका जनताहरुको माग रहेको छ ।

नेकपा पार्टीको इन्चार्ज राजु खड्काको अध्यक्षतामा भएको उक्त छलफलमा प्रदेश २ का मा. सांसद भरत प्रसाद साह लगाएत केन्द्रिय सदस्यहरु तथा प्रदेश कमिटि सदस्यहरुको सहभागिता रहेको थियो । सो सम्बन्धि जानकारी अनेरास्ववियुका नेता सूर्यनारायण साहले दिनु भएको छ ।