चिसो बढेपछी महोत्तरीका विद्यालय धमाधम बन्द हुन थाले

5 वर्ष पहिले प्रकाशित

(2077-10-06 B.S.)

3818 पटक देखिएको

माघ ६ ,गौशाला

तराई क्षेत्रको अधिकांश स्थानमा चिसो अत्यधिक बढे पछी महोत्तरीका विद्यालयहरु धमाधम बन्द हुन थालेका छन् । महोत्तरीको गौशाला नगरपालिका ,औरही नगरपालिका ,सोनमा गाउपालिका ,रामगोपालपुर नगरपालिका लगायत स्थानीय तहले निजि तथा सामुदायिक विद्यालय बन्द गर्ने निर्णय गरेका छन् ।

शितलहर तथा जाडोले विद्यार्थीहरुलाइ विद्यालय जान समस्या उत्पन्न भएपछी यस्तो निर्णय गरिएको जनाइएको छ ।

गौशाला नगरपालिकाले पनि निजि तथा सामुदायिक विद्यालयहरु ६ गते आज देखि ९ गते शुक्रवार सम्मको लागि बन्द गरेको निर्णय गरेको नगरपालिका द्वारा जारि गरिएको विज्ञतिमा उल्लेख रहेको छ ।

त्यस्तै औरही नगरपालिकाले पनि ३ दिनसम्मका लागि बन्द गर्ने निर्णय गरेको छ । माघ ७ गतेदेखि ९ गतेसम्मका लागि बन्द गर्ने निर्णय गरिएको छ ।

र त्यसै गरि सोनमा गाउँपालकाले ४ दिनका लागि विद्यालयहरुले बन्द गर्ने निर्णय गरेको छ । माघ ७ गतेदेखि आगामी १० गतेसम्मका विद्यालयहरु बन्द गर्ने निर्णय गरेको गाउँपालिकाद्वारा जारि गरिएको बिज्ञप्तिमा उल्लेख रहेको छ ।

तर सामुदायिक विद्यालयहरु बन्द भए पनि निजि विद्यालयहरु भने बन्द नभएको पाइएको छ स्थानीय तहले बिज्ञप्ति मार्फत घोषणा गरेपनि निजि विद्यालयहरुले नमानेको पाइएको छ ।

यसै सन्दर्भमा हामीले महोत्तरी जिल्लाको प्याब्सनका सचिव राधेश्याम सापकोटा सोध्दा उनले भने, 'सामुदायिक विद्यालयहरु स्थानीय सरकारको मातहतमा रहेका छन् स्थानीय सरकार र हामीहरुको तालमेल नमिलेको कारणले यस्तो समस्या देखिएको छ यदि तालमेल मिलेको भए एकै चोटी बिदा दिन मिल्थ्यो र एकै चोटी खोल्न पनि मिल्थ्यो यसै कारणले निजि विद्यालयहरु खुल्ला रहेका छन्'।

'हामीले चिसोको कारणले ३ दिन बिदा दिने निर्णय गरेका थियौ १ देखि ३ गते सम्म तर स्थानीय सरकारले हामीसँग मेल नराखेर ,हामीलाइ कुनै पनि मिटिंगमा नबोलाएर यस्तो अवस्था आएको छ' ।