गौशालामा एक स्थानीयमाथि हत्याको प्रयास

5 वर्ष पहिले प्रकाशित

(2077-11-16 B.S.)

3192 पटक देखिएको

फाल्गुन १६ ,गौशाला

महोत्तरीको गौशालामा एक स्थानीय माथि हत्याको प्रयास भएको छ । गौशाला न.पा.वडा न.२ निवासी चन्दे साहको छोरा अन्दाजी ३५ वर्षीय राम भरोस साह माथि कुटपिट भएको छ ।

गौशालाको जिरोमाइल चोक स्थित घर भएका लक्ष्मण महरा , उनका छोरा प्रबोध महरा र उनकी छोरी नैन कुमारी तिनै जना मिलि कुटपिट गरेको राम भरोस साहले बताएका छन् ।

फाल्गुन १४ गते शुक्रवारको दिन सामान्य विवाद भएको कारणले गर्दा लक्ष्मण साह र उनका सन्तान तिनै जना मिलेर आफूमाथि कुटपिट गरि भाटाले हानेर टाउको फुटाइदिएको पिडित साहले बताएका छन् । गौशालाको स्वास्थ्य उपचार केन्द्रमा उपचार गर्दा उनको टाउकोमा ९ वटा टाका लागेको जनाइएको छ ।

उपचार पछी डिस्चार्ज भएर राति करिब ९ बजेतिर उपचार खर्च वापतको रकम कुटपिट गर्ने संग माग्न जादा अचानक धारिलो हतियार प्रयोग गरि उनको घाटीमा हानेको समेत साहले बताएका छन् । घाटीमा प्रहार गर्ने क्रममा लक्ष्मण महराको छोराको सामान्य हात काटिएको समेत उनले बताएका छन् ।

त्यसैगरि यस घटनाप्रति लक्ष्मण महराकी छोरी नैन कुमारीले भनिन ,"खर्चको पैसा माग्न आउदा उसले हामीसंग अभद्र व्यवहार गरेको छ" । तसर्थ आफुलाई बचाउनको लागि नैन कुमारीले साहको घाटीमा साहकै हातमा भएको धारिलो हतियारले उनलाई प्रहार गरेको बताएकी छिन ।

तर पिडित साहले खर्च वापतको रकम माग्न जाने क्रममा आफुसंग कुनै पनि हतियार नभएको दावी गरेका छन् र यो कुराप्रति स्थानीयहरुले पनि सहमति जनाएका छन् ।

त्यस्तै पिडित साहको गौशालामा उपचार सम्भव नभएपछी जनकपुर रेफर गरेको पिडित पक्षका रामबाबु महतोले जनाएका छन् र घटनामा सम्बन्धित दुवै पक्षले प्रहरीमा उजुरी दिएका छन् ।