विद्यार्थी र प्रहरीबीच झडप

5 वर्ष पहिले प्रकाशित

(2078-01-07 B.S.)

3143 पटक देखिएको

बैशाख ७ ,हरिपुर्वा

हरिपुर्वा नगरपालिकामा आज विद्यार्थी र प्रहरीबीच झडप भएको छ l श्री केशवर गरिब जनता माध्यमिक विद्यालयमा अध्ययनरत विद्यार्थीहरु करिब दुइ दिनदेखि पठनपाठनका लागि स्कुलमा तालाबन्दि गरि आन्दोलनमा उत्रिएका छन् l शिक्षक भर्नामा अनियमितता र पैसाको चलखेल भएको भन्दै हरिपुर्वा नगरपालिकाको कार्यालयमा उनीहरुले तोडफोड समेत गरेका छन् l

आन्दोलित विद्यार्थीहरुले आज हरिपुर्वा नगरपालिकाको कार्यालयमा पुगी मेयरको कक्षमा रहेको कुर्सि र टेबल तोडफोड गरेका छन् l टेबल र कुर्सि तोडफोडबाट करिब एक लाख बराबरको क्षति भएको एक पालिका कर्मचारीले बताएका छन् l

विद्यार्थीहरुले आन्दोलन गरिरहेको समयमा नगरपालिका नजिकै रहेको प्रहरी चौकीले आन्दोलन नियन्त्रण गर्न खोज्दा प्रहरी र विद्यार्थीबीच झडप समेत भएको छ l जसबाट प्रहरी चौकीको अगाडी लगाईएको घेरा तोडफोड भएको छ तर कुनै पनि मानविय क्षति नभएको प्रहरी चौकीले जानकारी दिएको छ l

आन्दोलनमा रहेका केहि विद्यार्थीलाइ प्रहरीले नियन्त्रणमा समेत लिएको छ l

त्यस्तै श्री केशवर गरिब जनता मा.वि. मा विद्यार्थीको संख्या २ हजारको हाराहारीमा रहेको र शिक्षकको संख्या १५ जना मात्र रहेको शिक्षक दिपेन्द्र यादवले गुनासो गरेका छन् l विद्यालयमा विद्यार्थीको अनुपात अनुसार शिक्षक नभएपछी शिक्षा कसरि गुणस्तरीय हुन सक्छ भन्ने विषय लिएर विद्यार्थीहरुले २ दिन देखि स्कुलमा तालाबन्दी गरेका छन् l

सोमबार स्कुलको परिसरमा मेयर ,शिक्षा संयोजक ,माननीय महेन्द्र राइ बसेर अन्य कुराहरुप्रति छलफल गरेपनि स्कुलमा तालाबन्दी भएको बिषयमा केहि चासो नदेखाएको शिक्षकहरुले गुनासो समेत गरेका छन् l

स्कुलमा ४ शिक्षक भर्नाको प्रक्रियामा पैसाको चलखेल भएको कारणले विद्यार्थीहरु आन्दोलन गर्न बाध्य भएको सिविल तर्फका विद्यार्थी राजेन्द्र यादवले बताएका छन् l