गौशाला नगरपालिकाको नागरिक आरोग्य सेवा केन्द्रको नाममा ठगि

5 वर्ष पहिले प्रकाशित

(2078-01-10 B.S.)

4101 पटक देखिएको

बैशाख १० ,गौशाला

महोत्तरीको गौशाला नगरपालिकामा नागरिक आरोग्य सेवा केन्द्र केहिदिन अगाडी मात्र स्थापना भएको हो । जुन असहाय विपन्न परिवारका लागि कुनै पनि रोगको आयुर्वेद औषधिद्वारा उपचार गर्ने उद्देश्य राखी गौशाला नगरपालिकाको पुरानो भवनमा संचालनमा भइरहेको छ । जहा २३ प्रकारको आयुर्वेदिक औषधि निशुल्क रुपमा प्राप्त गर्न सकिन्छ तर हाल त्यसको उल्टो प्रभाव भएको पनि देखिएको छ ।

सेवा ग्राहीलाई औषधि छैन भन्दै रु.१ हजार देखि ५ हजार सम्म लिने गरेको सेवाग्राहिहरुले गुनासो गरेका छन् ।

डा.प्रकाश कुमार झाले भनेका छन्,"मैले नगरपालिकामा पटक पटक औषधिको माग गरेपनि कुनै सुनुवाई भएको छैन र उल्टै नगरपालिकालाइ घेराउ गर्न आएको भनेर आरोप पनि म माथि लगाएका छन् । जबकी पहिलो चरणमा ४ लाख बराबरको औषधि ३० दिन पनि पुगेको थिएन तर अहिले जम्मा ३ लाख बराबारको औषधिमा ४ महिना पुर्याउनु पर्नेछ भनेर नगरले आदेश दिएको छ । कसरी म सेवा ग्राहीलाई सेवा दिन सक्छु ।"

एउटा कुकर किन्ने क्षमता नगरपालिकाको नरहेको सेवा केन्द्रका कार्यालय सहयोगीले बताएका छन् ।

त्यस्तै एक सेवा ग्राही बिमला देवीले भनेकी छन ,"एक त औषधि छैन डा.ले भन्छन पैसा दिनु म किनेर ल्याइदिन्छु र डा.ले सेवा ग्राहीसंग सम्बन्धित कुरा भन्दा अन्यत्र कुरामा व्यस्त रहेका हुन्छन ।"

यस्तै अन्य सेवा ग्राहिहरुले पनि गाली र गुनासो गर्दै सेवा केन्द्रबाट फर्किने गरेको पाइएको छ ।