गौशाला न.पा.को मेयरद्वारा औषधि चोर डाक्टरको पर्दाफास

समाज मधेश प्रदेश मुख्य समाचार

5 वर्ष पहिले प्रकाशित

(2078-02-05 B.S.)

5565 पटक देखिएको

Niranjan Kumar Sah

जेठ ५ ,गौशाला

निरन्जन कुमार साह

महोत्तरीको गौशाला नगरपालिका स्थित रहेको नागरिक आरोग्य सेवा केन्द्रका डाक्टर प्रकाश कुमार झाले सेवा ग्राहीलाई नि:शुल्क दिनुपर्ने औषधि चोरेर अन्तै बेच्ने उद्देश्यले राखेको अवस्थामा गौशाला नगरपालिकाका नगरप्रमुख शिवनाथ महतोले पर्दाफास गरेका छन् ।

गौशाला न.पा.को पुरानो भवनस्थित नागरिक आरोग्य सेवा केन्द्र चैत्र ८ गतेदेखि संचालनमा ल्याइएको हो । जसको उद्देश्य रोगहरुबाट लड्नको लागि औषधिको मात्रै आवश्यकता नभई आयुर्वेदिक उपचारको आवश्यकता परिपूर्ति गर्ने र ज्येष्ठ नागरिकहरु जो विभिन्न रोगहरुबाट ग्रसित हुन्छन ,उनीहरुलाई नि:शुल्क रुपमा सेवा प्रदान गर्ने रहेको गौशाला नगरपालिकाका नगर प्रमुख शिवनाथ महतोले बताएका छन् ।

उक्त सेवा केन्द्रमा सेवा प्रदान गर्नको लागि आयुर्वेद डाक्टर प्रकाश कुमार झालाइ करार सेवामा नियुक्ति गरिएको थियो । नगरपालिकाले सेवाग्राहिहरुलाई नि:शुल्क रुपमा प्रदान गर्नको लागि उपलब्ध गराएको २३ प्रकारको औषधि मध्य केहि औषधि उनि स्वयम्ले लुकाएर राखी सेवाग्राहिसंग पैसा लिएर दिने गरेका छन् ।

उनले स्वर्गीय रामभरोस साहको छोरा प्रमोद साह जो सोहि सेवा केन्द्रमा सरसफाई गर्ने कार्य गर्दछन उनको घरमै उनलाई प्रलोभन दिई सतावरी चुर्ण ,बिल्वादी चुर्ण ,अजुवाइन चुर्ण , पुस्यानुग चुर्ण गरि ७० थान र ११ थान तेल एक थान चियापति प्रमोदको घरमा लुकाएर राखिएको एक गोप्य सूचनाको आधारमा न.पा.का मेयर र उपमेयर ,प्रमुख प्रशासकीय अधिकृत समेतको टोलीले संयुक्त रुपमा बरामद गरिएको छ ।

बरामद गरिएको औषधि र प्रमोदलाइ समेत पक्राउ गरि गौशाला इलाका प्रहरीको कार्यलयमा जिम्मा लगाइएको छ ।

"यस्तो कार्य गर्ने डाक्टरलाइ हामी हदैसम्म कारवाही गर्नेछौ र नागरिक आरोग्य सेवा केन्द्रबाट नि:शुल्क रुपमा सेवा प्रदान गर्नेछौ " भनेर गौशाला नगरपालिकाका प्रवक्ता भोजबहादुर दर्लामीले प्रदिबद्धता व्यक्त गर्नुभएको छ । कोरोना महामारीको बिपत घडीमा आफ्नो नगरवासीलाई सेवा दिनको लागि २४ घण्टा सचेत र सेवायुक्त कोरोना हस्पिटल तयार गरिएको पनि जानकारी उहाले दिनुभएको छ ।