अखिल क्रान्तिकारीद्वारा गौशालामा केपी ओली बिरुद्ध जुलुस प्रदर्शन

5 वर्ष पहिले प्रकाशित

(2078-03-16 B.S.)

3848 पटक देखिएको

असार १६ ,गौशाला

ममता शर्मा

अखिल क्रान्तिकारीको नेता केन्द्रिय सचिव तथा २ न. प्रदेशको समितिको संयोजक सूर्यनारायण साहको नेतृत्वमा गौशालामा आज बिरोध प्रदर्शन भएको छ । प्रदर्शनमा युवा नेताहरुले प्रधानमन्त्रि केपी शर्मा ओलीको पुत्ला दहन गरेका छन् ।

प्रदर्शनमा केपीओली मुर्दाबाद ,संसद पुनर्स्थापना गर ,पेट्रोलियम पदार्थको मुल्य कम गर ,लगायतका नाराबाजी प्लेकार्ड सहित गरिएको थियो ।

गौशाला बजारको पुल्चोक देखि सुरु भएको बिरोध जुलुस प्रदर्शन गौशाला बजारलाइ परिक्रमा गर्दै गणेश मन्दिर अगाडी कोण सभामा परिणत भएको थियो ।

कोणसभालाइ सम्बोधन गर्दै बरिष्ट नेता सूर्यनारायण साहले भने ,"केपी ओलीले गरेको संसद बिघटन संबिधान बिपरित हो । यो असंबैधानिक हो । यसलाई हामि मान्दैनौ । संसद पुनर्स्थापना गर्नुपर्छ प्रधानमन्त्री जस्तो उच्च पदमा रहेर अशिक्षित जस्तो व्यहार गरेर उनले जनतालाइ बारम्बार दुख दिने र देशलाइ दुर्गतिको बाटोतिर लग्ने प्रयास गरिरहेका छन्। कहिले संसद बिघटन गर्ने ,कहिले मन्त्रिमण्डल एक्कासी गठन गर्ने त कहिले आफ्नो मर्यादित पदको मजाक उडाउने केपी ओली जस्ता प्रधानमन्त्रीद्वारा हाम्रो राष्ट्रको कानुन उल्लङ्घन भएको छ । हामीले यसप्रति पटक पटक प्रदर्शन र आन्दोलन जारि राख्ने छौ किनभने देश चलाउनको लागि एउटा शिक्षित व्यक्तिको आवश्यक पर्दछ ।