रौतहटका पदमुक्त उपप्रमुखद्धारा पदभार ग्रहण

5 वर्ष पहिले प्रकाशित

(2078-03-21 B.S.)

2957 पटक देखिएको

असार २२ , रौतहट

उपेन्द्र गोले

रौतहटका पदमुक्त भएका उपप्रमुखहरुले सोमबार पुन उपप्रमुखको पदभार सम्हाल्नु भएको छ । सोमबार एक कार्यक्रमकाबिच औपचारिक रुपमा पदभार सम्हाल्नु भएको हो ।

सोमबार देवाही गोनाहीका उप्रमुख परनिया देवी , फतुवा विजयपुरका उपप्रमुख कान्ति देवी , माधव नारायणका उपप्रमुख सिमल कुमारी साह र यमुनामाई गाउपालिकाका उपाध्यक्ष गितादेवी साहले आफ्नो पलभार औपचारिक रुपमा सम्हाल्नु भएको छ ।

रौतहटका ५ जना नगर उपप्रमुखले दल त्याग गरेको जनाउदै पद रिक्त भएको निर्वाचन आयोगले गत असार ११ गते एक सुचनामार्फत जनाएको थियो ।

रौतहटका पदमुक्त भएका उपप्रमुखहरुमा देवाही गोनाहीका उप्रमुख परनिया देवी ,मौलापुरका उपप्रमुख गौरि शंकर प्रसाद,फतुवा विजयपुरका उपप्रमुख कान्ति देवी , माधव नारायणका उपप्रमुख सिमल कुमारी साह र यमुनामाई गाउपालिकाका उपाध्यक्ष गितादेवी साह रहेका छन ।

सर्वोच्च अदालतले गत असार १५ गते पदमुक्त गर्ने निर्वाचन आयोगको निर्णय तत्काल कार्यन्वयन नगर्न अन्तरिम आदेश दिएसँगै रौतहटका उपप्रमुखको पद पुनर्वाहाली भएको हो ।

न्यायाधीश कुमार चुँडालको एकल इजलासले उपप्रमुखहरुकोे रिटमाथि प्रारम्भिक सुनुवाइ गर्दै निवेदकले नेकपा माओवादी केन्द्र छाडेर अर्को दल गठन गरेको वा अर्को दलमा प्रवेश गरेको यकिन हुन नसकेको भन्दै नगर प्रमुख पदमा पुनर्वहाली गरिदिएको थियो ।