पुस ३० 

नेपाल सद्भावना पार्टीका राष्ट्रिय अध्यक्ष रामकुमार महतोले २०६४ फाल्गुन १६ गते नेपाल सरकार र संयुक्त लोकतान्त्रिक मधेशी मोर्चा विच सम्पन्न सम्झौता कार्यान्वन गर्न माँग गर्नु भएको छ । बिहिबार वीरगन्जमा पत्रकार सम्मेलनको आयोजना गर्दै अध्यक्ष महतोले राज्यको पुनः संरचना गरी एक केन्द्र शासित सहित पाँच प्रदेश लगायत २०६४ फाल्गुन १६ गते सरकार र तत्कालिन संयुक्त लोकतान्त्रिक मधेशी मोर्चा विच भएको सम्झौता कार्यान्वयन गर्न माँग गर्नु भएको हो ।

उनले काठमाडौं उपत्यका र त्यसको नजिकै रहेको क्षेत्र केन्द्र शासित प्रवेश संघीय प्रणालीमा विदेश, रक्षा र मौद्धिक निति सहित विगतमा भएको सम्झौता अनुसार नै प्रदेश सरकारमा स्वाशासन, स्वाधीनता, स्वायततापूर्ण स्वतंत्र सरकारको सुनिश्चिा सहित (क) पूर्वी पहाड प्रदेश, (ख) पश्चिम पहाडी प्रदेश, (ग) पूर्व मधेश प्रदेश र (घ) मा पश्चिम मधेश प्रदेश कायम गर्नु रहेको बताए ।

अध्यक्ष महतोले भने, जनंसख्याको अनुपातमा वडा, पालिका, जिल्ला, प्रदेश सभा क्षेत्र र प्रतिनिधि सभा क्षेत्र निर्धारण गर्नपर्छ र आर्थिक सम्पन्नताको लागि नेपाली जनाताको सम्मान विकासको बजेट सुनिश्चित गर्नुपर्छ । पत्रकार सम्मेलनमा उनले, विदेशी महिलालाई नेपाली पुरुष संग विवाह पश्चात विनाभेदभाव सहज रुपमा नागरिकता उपलब्ध गराउँनुपर्ने, हिन्दु भाषा राष्ट्रिय सम्पर्क भाषाको रुपमा सविधानमा स्थापित गराउँनु पर्ने सरकार संग माँग समेत गरेका छन । माँग पुरा नभए आन्दोलनमा जाने चेतावनी समेत पत्रकार सम्मेलनमा उनले दिए ।

उनले भने, नेपाल सद्भावना पार्टीको लडाई नै जनआन्दोलन हो, यो आन्दोलन कुनै जाति समुदाय, संस्कृति र पोशाकको विरुद्ध हुदैन । राजनितिक, आर्थिक, सामाजिक, भाषिक र बर्षो देखि राज्यद्धारा मधेशी माथि गरिएको विभेद, दमन, शोषण र असमान व्यवहारको विरुद्धमा हो यसमा सम्पूर्ण मधेशी समुदाय खुलेर लाग्नु पर्छ । उनले समाजवादी पार्टीका अध्यक्ष उपेन्द्र यादव लगायतका मधेशी दलले स्वंय मधेशको नाम नै बेचिसकेका कारण तत्कालिन मधेशी मोर्चाले आफनो माँग पुरा गराउँन सकेन आरोप लगाए ।

प्रदेश २ का मुख्यमन्त्री लालबाबु राउत गद्दीको सरकार मधेशी दलको सरकार नभएको आरोप लगाउँदै मधेशी दलको सरकार भएको भए मधेशमा किशानको समस्या, खाद्य, मल लगायत अन्य अधिकारको लागि समस्या उत्पन्न हुदैन त्यसैले मधेशी विरोधी सरकार रहेको उनले बताए ।

पत्रकार सम्मेलनमा पार्टीका केन्द्रिय उपाध्यक्ष डा. मिश्री मण्डल, महासचिव नागेन्द्र सिंह, पार्टीका प्रदेश २ का अध्यक्ष रामानन्द ठाकुर, नेपाल सद्भावना महिला मंचका राष्ट्रिय उपाध्यक्ष सुनिता अग्रवाल, केन्द्रिय सदस्य सत्यनारायण रौनियार, बारा जिल्ला अध्यक्ष रामदहिन यादव लगायतको सहभागिता रहेको थियो ।

पार्टीले शुक्रबार वीरगन्जमा राष्ट्रिय स्तर भेला समेत राखेको जानकारी गराईएको छ । भेलामा पर्सा, बारा, रौतहट र सर्लाहीका नेता तथा कार्यकर्ताहरुको भेला हुने छ । भेलामा पार्टीका सर्वमान्य नेता पूर्व उपप्रधान तथा गृहमन्त्री बद्री प्रसाद मण्डल लगायतको नेताहरुको सहभागिता रहने छ । भेला दुई दिसम्म चल्ने पार्टीका महासचिव नागेन्द्र सिंहले जानकारी समेत गराउँनु भयो ।