गौशालामा योग शिविर सप्ताह संचालन

3 वर्ष पहिले प्रकाशित

(2078-10-01 B.S.)

7064 पटक देखिएको

ममता शर्मा

महोत्तरीको गौशाला नगरपालिकामा योग शिविर संचालन हुने भएको छ । शनिवार गौशाला -४ रजखोर स्थित रहेको गौशाला नगरपालिकाको नयाँ भवनमा योग शिविर सप्ताहको उद्घाटन भएको छ । आइतबार देखि संचालन हुने सप्ताह योग शिविरको पुर्व शिक्षा विज्ञान तथा प्रविधि मन्त्रि माननीय गिरिराजमणि पोखरेलले पानसमा मैनबत्ति बालेर उद्घाटन गरेका छन् ।

राष्ट्रिय योग दिवसको अवसरमा गौशाला नगरपालिका योग शिविर मूल आयोजक समितिद्वारा आयोजना गरिएको यस शिविर विशिष्ट योग गुरुहरु द्वारा १ हप्तासम्म बिहान ७ बजेदेखि संचालन गरिने भएको हो ।

“सर्वाङगीण विकासको लागि योग” मूल नारा सहित आयोजना गरिएको यस योग शिविर सप्ताहको उद्घाटन समारोहमा नगर प्रमुख शिवनाथ महतो ,पुर्व मन्त्रि माननीय गिरिराजमणि पोखरेल ,नगरका प्रवक्ता भोजबहादुर दर्लामी ,योग गुरु प्रेम आलोक ,गणेश गैडेल, सिर्जना पौडेल ,आशा कार्की लगायत नगरपालिकाका कर्मचारी ,शिक्षक तथा जनसमुदायको सहभागिता रहेको थियो ।

योग प्रतिको विशेषता दर्सौउदै पुर्व मन्त्रि पोखरेलले योगले मानिसलाई चिन्ता र समस्याबाट जोगिन बाटो देखाउने कार्य गर्ने बताएका छन् ।उनले भने “चिन्ता बाट मुक्ति पाउने बाटो नै योग हो । योगले शारीरिक समस्या निराकण गर्नुका साथै शरीरलाइ उर्जा प्रदान गर्ने तथा आयु बढाउँन मद्दत गर्दछ । शरीर रुपान्तरण गर्ने शक्तिशाली शासन योग,ध्यान हो । यो ७ औ राष्ट्रिय योग दिवस मात्र नभएर हामीले अन्तराष्ट्रिय योग दिवस पनि मनाउछौ । तसर्थ मानिसलाइ जीवनको हरेक आधारभुत आवश्यकता संगै जीवनमा आत्मादेखि खुसि तथा सन्तुष्टि प्राप्त गर्न ध्यानको जरुरत पर्दछ ।

उनले योगले मानिसलाई प्रकृति मैत्री बनाउछ भन्दै योगले जीवनको समग्र विषय समेटर हिड्ने उल्लेख गरेका छन् । साथै गौशाला नगरपालिकामा प्रभावकारी शिक्षण नभएकोले शिक्षकहरु बदल्नुपर्ने ,विद्यालय व्यवस्थित गर्नुपर्ने नगरप्रमुखलाइ ध्यानाकर्षण समेत गराएका छन् ।

गौशाला नगरपालिकाको १२ वटै वडामा योग ध्यान केन्द्र स्थापना गर्ने बताउदै नगर प्रमुख शिवनाथ महतोले गौशालाको आरोग्य केन्द्रमा नियमित रुपमा योग संचालन हुने जानकारी दिएका छन् ।