मेयरले दर्ता गराए दरपिठ विरुद्धको मुद्दा,फागुन ४ गते सुनवाई

5 वर्ष पहिले प्रकाशित

(2078-10-28 B.S.)

5142 पटक देखिएको

रञ्जन भण्डारी

महोत्तरी,२९ माघ ।

महोत्तरीको भंगहा नगरपालिकाका मेयर संजिव साहले तेस्रो चरणमा तत्कालिन प्रदेश २ मा स्थानिय तहको निर्वाचन भएको र सोहि अनुरुप आफ्नो कार्यकाल अझै ६ महिना बाकि रहेको भन्दै सर्वोच्च अदालतमा स्थानिय तहको निर्वाचन स्थगन गर्न हालेको रिट निवेदनमा सर्वोच्चले दरपिठ गरिदिएपछि सोहि दरपिठ विरुद्ध भेयर साहले मुद्दा दर्ता गराएका छन ।

शुक्रवार सर्वोच्चले उनको मुद्दा दर्ता गर्दै आउदो फागुन ४ गते सुनवाई गर्ने भएको छ ।

मेयर साहले २०७४ असोज २ मा महोत्तरीमा स्थानिय तहको निर्वाचन भएकोमा वैशाख ३० गते चुनाव गर्दा धारा २१५ र २१६ अनुसारको पाँच वर्षे कार्यकाल पुरा हुन नपाउने जिकिर रिट निवेदनमा गरेका थिए ।

उनले आफ्नो कार्यकाल पुरा भएपछि मात्र स्थानिय तहको चुनाव हुनु पर्ने मांग रिट निवेदनमा गरेका थिए ।

तर सर्वोच्च अदालतका प्रवक्ता बाबुराम दाहालले स्थानिय तह निर्वाचन ऐनले चुनावका वारेमा प्रष्ट पारेकोले त्यसकै आधारमा रिट निवेदन दरपिठ गरिएको बताएका थिए । उनले स्थानिय तहको चुनाव जति चरण भएपनि पहिलो पटक भएको चुनावलाई आधार मान्ने कानुनी व्यवस्था भएकाले पहिलो पटक चुनाव भएका ठाउमा पदाधिकारीले पाच वर्षे कार्यकाल पुरा गर्ने अवस्था देखिएकोले निवेदन दरपिठ गरिएको बताएका थिए ।

तर साहले यो अन्याय भएको र नेपालको संविधानले देश चल्ने भएकोले आफुले संविधानलाई टेकेर निवेदन हालेकोमा दरपिठ विरुद्ध मुद्दा दर्ता गराएको बताए ।

साह लोसपाबाट निर्वाचित मेयर हुन । उनी महोत्तरीका सवै भन्दा कम उमेरका मेयर समेत हुन ।