किसानलाई हुने छैन अब कष्ट :युवा नेता विजय मण्डल

4 वर्ष पहिले प्रकाशित

(2079-01-13 B.S.)

17762 पटक देखिएको

निरन्जन साह

महोत्तरीको भंगहा नगरपालिकामा नेपाली कांग्रेसका युवा नेता विजय मण्डलले मेयरको उम्मेदवारी दिएका छन् । युवाहरूलाई लक्षित गरी किसानहरूको विभिन्न समस्या समाधान गर्ने उद्देश्यले आफूले मेयरको उम्मेदवारी दिएको उनले बताएका छन् ।

गरिब मजदुर र किसानहरूको हितको लागि शिक्षित र योग्य उम्मेदवारको माग यो समाजलाई रहेको मण्डलले दाबी गरेका छन् ।

उनले भने, 'किसानको लागि अहिलेसम्म कुनैपनि जनप्रतिनिधिले ठोस योजना ल्याउन सकेका छैनन् । अहिले पनि किसानहरु खाद्यमल, सिचाइ, अर्थ आदिको समस्याले मर्कामा छन् । त्यस्तै युवाहरु बौद्धिक पलायन हुने समस्या समाधान हुन सकेको छैन । कुनैपनि जनप्रतिनिधिले युवालाई लक्षित गरी स्वरोजगारको वातावरण सिर्जना गरीदिन सकेको छैन । तसर्थ अब यो समाजलाई एउटा युवा नेतृत्वको आवश्यकता रहेको छ ।'

उनले जनसमुदायमा शिक्षा, स्वास्थ्य लगायत विभिन्न क्षेत्रहरुमा विकास गर्न स्थानीय तहमा स्थानीय स्तरमा युवाको आवश्यकता रहेको औल्याएका छन् । नेपाली कांग्रेसले अब कसैले गर्न नसकेका काम नगरपालिकामा गरेर देखाउने उनले दाबी गरेका छन् ।यस्तै उनले जनसमुदायलाई नेपाली कांग्रेसमा मतदान गरी युवालाई अवसर प्रदान गर्न समेत अपिल गरेका छन् ।