स्वच्छ ,सुन्दर ,समुन्नत नगर बनाउने नगर प्रमुख उम्मेदवार लामाको प्रतिबद्धता

4 वर्ष पहिले प्रकाशित

(2079-01-14 B.S.)

12946 पटक देखिएको

निरन्जन साह
महोत्तरीको गौशाला नगरपालिकामा नेकपा माओवादी पार्टीबाट विष्णु लामा ( विष्णु बहादुर योञ्जन)ले मेयरको उम्मेदवारी दिएका छन् । त्यसै नगर उपप्रमुखमा जनक दुलारी साहले उम्मेदवारी दिएकी छिन ।

नेकपा माओवादी पार्टी गौशालाले आफ्नो घोषणा पत्र सार्वजनिक गरेको छ । कृषि तथा पशु क्षेत्र ,शिक्षा तथा खेलकुद ,स्वास्थ्य क्षेत्र ,आर्थिक तथा सामाजिक विकास लगायतका क्षेत्र समेटर घोषणा पत्र जारी गरिएको हो।

पत्रमा सामुदायिक नमुना गाई गौशाला संचालन गर्ने ,किसानको आयआर्जन दोब्बर वृद्धि गर्ने ,किसानहरुलाई वार्षिक रुपमा सम्मान तथा प्रोत्साहन गर्न आवश्यक सामग्रीहरुको व्यवस्थापन गर्ने ,उद्योगहरुको स्थापाना गरि रोजगार सिर्जना गर्ने , कृषिका लागि विभिन्न योजना निर्माण गरि लागु गर्ने ,प्राविधिक शिक्षालाई बिशेष प्राथमिकता दिने ,जनस्वास्थ्य सम्बन्धि चेतनामुलक कार्यक्रम गर्ने ,विपन्न वर्गको लागि एम्बुलेन्स भाडादरमा सहुलियत गर्ने ,बर्थिंग सेन्टरको स्तर उन्नति गर्ने लगायत विभिन्न क्षेत्रमा जनसमुदायलाई सहज हुने गरि विकास गर्ने उल्लेख गरिएको छ ।

मेयरको प्रत्यासी विष्णु लामाले घोषणा पत्र अनुसार नै कार्य गर्ने र अबको स्थानीय चुनावमा जनताले आफ्नो मत दिएर जिताएमा गौशाला नगरपालिकालाई नमूना नगरपालिकामा परिणत गरेर देखाउने दाबी गरेका छन् । जतिसुकै जनप्रतिनिधि आएपनि महोत्तरीको मुख्य व्यापारिक केन्द्रको रुपमा रहेको गौशाला बजारको कुरूप मुहार फेर्न नसकेको बताउदै उनले आफ्नो प्रमुख एजेन्डा गौशाला बजारलाइ व्यवस्थापन गर्नु हो ,बताएका छन् ।