आफ्नो प्रतिबद्धता पुरा गरेर देखाउने छु : नेता महतो

राजनीति मुख्य समाचार

4 वर्ष पहिले प्रकाशित

(2079-01-14 B.S.)

4760 पटक देखिएको

Niranjan Kumar Sah

गौशाला

गौशाला नगरपालिकाको लोसपा पार्टीका मेयर पदका उम्मेदवार देवनारायण महतोले आफनो जित सुनिश्चित रहेको दावी गरेका छन् ।

समृद्ध र विकसित नगरपालिका बनाउने लक्ष्यका साथ उम्मेदवारी दर्ता गराएका महतोले आफनो विकासको योजना देखेर जनताले आफुलाई विजयी गराउने बताएका छन ।आउँदो बैशाख ३० गते हुने स्थानीय निर्वाचनका लागि लोसपाबाट नगर प्रमुखमा देव नारायण महतो र नगर उप प्रमुखमा लाल कुमारी लामाले उम्मेदवारी दिएका छन् ।

आफनो पक्षमा जनताको अपार जनलहर रहेकोले आउँदो निर्वाचनमा आफु जितेरै छाड्ने उनले दावी गरे ।नगरमा आफना पकड बलियो रहेकोले आफना जित निश्चित रहेको कारण निर्धक्क भएर लोसपाको चुनाव साइकल छापमा मोहर लगाई आफुलाई अत्याधिक मतले विजयी गराउन उनले सबैलाई आग्रह गरेका छन् ।

आफु चुनाव जितेपछि सबभन्दा पहिला शिक्षालाई सुधार गर्ने, टोल टोलमा भरपर्दो उपचारका लागि राम्रा हस्पिटलको स्थापना गर्ने, पुर्वाधार निर्माणको कामदेखी लिएर जनतालाई सहज हुने अन्य कामकाज गर्ने उनले प्रतिवद्धता जनाएका छन ।

माओवादी पार्टीलाई एकपटक मौका दिसकेकोले आउँदो बैशाख ३० गते हुने स्थानीय तहको निर्वाचनमा समाज परिवर्तन गर्ने र भ्रष्टाचारलाई जराबाटै उखेलेर फाल्ने सोच राखेका महतोलाई साथ दिएर जिताउने भनी नगरमा चर्चा परिचर्चा शुरु भएको उनले दावी गरेका छन् ।

सरकारी सेवा सुविधा पनि केही लिँदैन भनेर करोडौँको गाडी चढ्नु र निर्वाचनको बेलामा गरेका प्रतिबद्धता एवम् खाएका कसमहरु बिर्सिएर जनतामा करको बोझ लादेका कारण पनि नयाँ व्यक्तिलाई अवसर दिनुपर्ने उनको धारणा छ ।