डा. विरवंश बैठाद्वारा सर्लाहीको क्षेत्र न. २ बाट प्रतिनिधि सभा सदस्यको लागि स्वतन्त्र उम्मेदवारी

राजनीति मधेश प्रदेश मुख्य समाचार

4 वर्ष पहिले प्रकाशित

(2079-05-03 B.S.)

8461 पटक देखिएको

Niranjan Kumar Sah

निरन्जन कुमार साह

गौशाला , भदौ २ गते

श्री आधुनिक राष्ट्रिय मा.वि. हेटौडाका प्रधानाध्यापक डा.विरवंश बैठाले स्वतन्त्र उम्मेदवारको घोषणा गरेका छन् । उनले सर्लाहीको क्षेत्र न. २ बाट प्रतिनिधि सभा सदस्यको लागि स्वतन्त्र रुपमा उम्मेदवारीको घोषणा गरेका हुन् ।

प्रतिनिधि सभा र प्रदेश सभाको यहि मङ्सिर ४ गते हुन गरिरहेको छ । शिक्षा क्षेत्रमा आफ्नो अलग पहिचान कायम गर्न सफल वैठाले अब समाज सेवाको उद्देश्यले सकारात्मक धारणा सहित उम्मेदवारी दिने घोषणा गरेका छन् । वैठा एसिया महादेशकै उत्कृष्ट प्रधानाध्यापकको रुपमा मधेश प्रदेश भरि परिचित छन् । उनले शिक्षा क्षेत्रमा आफ्नो विशेष योगदान दिनुको साथै आफ्नो उत्कृष्ट क्रियाकलापले आफ्नो विद्यालयलाई पनि पहिलो नम्बरमा जनाउन सफल छन् ।

समाजमा आजको राजनीतिक अवस्था ,त्यसले निम्तिएका विभिन्न समस्याहरुलाई सुधार गर्दै जनताको आधारभुत आवश्यकता निस्वार्थ रुपमा पुरा गरि समृद्ध समाजको निर्माणको चाहना बोकेर उनि राजनीतिक क्षेत्रमा प्रवेश गरेको भन्छन ।

जनता अब सचेत भईसके ,उनि भन्छन , "अब चुनावमा नयाँ मिसन,भिजन र डेडिकेसन भएको व्यक्तिको आवश्यकता छ । वर्षौसम्म ठगेर मधेसीलाई मुर्ख बनाउने दल र ठगहरुलाइ विदाइ गरेर बिकासको बाटोमा अगाडि बढ्न जरुरि छ।राजनीति निस्वार्थ समाज सेवा हो । यसलाई आफ्नो फाइदाको स्वार्थमा डुबेर अहिले जनताको हित विपरित कार्य गरिरहेको कु राजनीतिकर्मीहरुले बद्नाम गरिरहेका छन् । तसर्थ देश विकास ,जनताको हितको निम्ति शिक्षित ,निस्वार्थ ,भिजन ,योजना र जागरुकता भएको व्यक्ति सत्तामा हुनु जरुरि छ । मेरो उम्मेदवारी पनि त्यसकै लागि हो ।"

उनले मधेशी समुदायलाई शिक्षातिर अग्रसर गर्न ,यहाँ रोजगार ,स्वास्थ्य लगायतका कुराहरु पूर्ति गर्न आफु तत्पर रहदै जनसेवामा निहित रही अगाडी बढ्ने आफ्नो योजना रहेको बताए ।