समृद्ध मधेशको रुपमा विकास गर्न निःस्वार्थ भएर लाग्नेछु : सांसद राइन

4 वर्ष पहिले प्रकाशित

(2079-06-12 B.S.)

3825 पटक देखिएको

ममता शर्मा

गौशाला , असोज १२ गते

मधेश प्रदेश सांसद जयनुल राइनले आउदो चुनावमा पुन: निर्वाचित भएमा यस कार्य अवधिमा गर्न नसकेको काम पुरा गर्ने बताएका छन् । मंगलबार रेडियो जुनताराको कार्यक्रम जनआवाजमा पत्रकार निरन्जन साहसंग कुराकानी गर्दै उनले यस्तो भनेका हुन् । उनले मधेश प्रदेशलाई समृद्ध प्रदेशको रुपमा विकास गर्न निःस्वार्थ भएर लागि पर्ने दावी गरेका छन् ।

मधेश प्रदेशका सुकुम्बासी, भूमिहीन र अव्यवस्थित बसोबासीको समस्या समाधान गर्ने उनले बताए । जनता नै सर्वेसर्वा रहेको उनको भनाइ छ ।

उनले भने , “समस्याको समाधान जनतालाई चिढाएर, रुष्ट बनाएर, त्यहाँबाट धपाएर गर्ने हैन । उनीहरुलाई सुरक्षित अनुभूति हुने गरी र अपनत्व महसुस हुने गरी समाधान गरिनुपर्छ । त्यसका लागि म चरणबद्ध योजना कार्यान्वयनमा ल्याउनेछु । स्थानीय बासिन्दाको मन दुख्ने काम मैले कहिल्यै पनि गर्नेछैन । चुनावको मुखमा आएर काम देखाउन भित्री सडकहरु भत्काएर अलपत्र पारिएका छन् । सडकका आयोजनाहरु समयमै निर्माण सम्पन्न गर्न ठोस र प्रभावकारी कदम चाल्ने छु । ढल निकास र खानेपानी समस्याको समाधान गर्न प्रभावकारी काम गर्नेछु ।शिक्षा, स्वास्थ्य, रोजगारको क्षेत्रमा महत्वपूर्ण योजना बनाएका छौं । “

उनले जनताले रगतपसिना बगाएर तिरेको करको सदुपयोग गर्न चाहेको बताए । “त्यो करबाट लाभ लिने पहिलो हकदार जनता हुन् । त्यसको प्रत्याभूति दिलाउन चाहन्छु ।“ उनले भने यो परिस्थितिमा बनेको गठबन्धन संविधानको रक्षा, लोकतन्त्रको रक्षा, जनताका अधिकारको रक्षा, प्रेस स्वतन्त्रता, स्वाभीमानसहितको राष्ट्रियताको रक्षा गर्न निरन्तर लागिरहेको छ । जुन शक्तिले मुलुक र संविधानलाई नै ध्वस्त पार्ने षड्यन्त्र गर्योु, त्यसलाई पराजित गर्नुपर्छ र त्यस्तो शक्तिलाई मुलुकमा उदय हुन दिनुहुँदैन भन्ने उद्देश्यका साथ हामी चुनावमा पनि सँगसँगै अघि बढेका छौं ।“

उनले जनतालाई फेरि गल्ती नदोहोर्यासउनुस् आग्रह गरेका छन् । “यसपटक मलाई आफ्नो मत दिएर जिताउनुस् । म तपाईंकै सेवक हुँ र बाँकी जीवन पनि नगरवासीकै सेवक भएर बिताउने छु ।मधेश प्रदेशलाई समृद्ध प्रदेशको रुपमा विकास गर्न निःस्वार्थ भएर लाग्नेछु ।“

राइन मधेश प्रदेशको क्षेत्र न. २ (क ) निर्वाचित सांसद हुन् ।