तीन पटक सम्म गिरिराजमणि पोखरेल चुनाव जितेर आएपनि महोत्तरी क्षेत्र न. १ को जनताको समस्या भएन समाधान

4 वर्ष पहिले प्रकाशित

(2079-06-20 B.S.)

6097 पटक देखिएको

निरन्जन कुमार साह

गौशाला , असोज २० गते

यहि आउदो मङ्सिर ४ को चुनावमा महोत्तरीको क्षेत्र न.१ बाट प्रतिनिधि सभा सदस्यमा गिरिराजमणि पोखरेलले (नेकपा माओवादी पार्टी बाट ) उम्मेदवारी दिएका छन् । पुर्व शिक्षा विज्ञान तथा प्रविधि मन्त्रि समेत रहेका गिरिराजमणि पोखरेल यो भन्दा अगाडी ३ पटक निर्वाचित भईसकेका हुन् । उनि निर्वाचित भएर सत्तामा गएपनि महोत्तरी क्षेत्र न.१ को जनताको समस्या समाधान हुन सकेको छैन ।

यस जिल्लामा सबै भन्दा ठुलो समस्या बाढी रहेको छ । जसले वर्षेनी सयौ विघा जमिन कटान भएर किसानहरुलाई निकै मुस्किल परेको छ । महोत्तरीको क्षेत्र न. १ अन्तर्गत पर्ने बर्दिवास , किसाननगर , पशुपतिनगर , बिजलपुरा , भंगहा ,रामनगर ,औरही , गौशाला लगायतका ठाउँहरु बाढीको बढी जोखिममा छन् ।तर पुर्व मन्त्रि पोखरेलले जनतालाई अनेकौ बाचा गरेपनि त्यसलाई पुरा गर्न सकेनन । त्यसैले अबको चुनावमा पोखरेलमा जिताएपनि कुनै समस्याको समाधान नहुने भनेर सामाजिक संजालमा आलोचना गरिएको छ ।

बिजलपुरा बासिले एउटा एम्बुलेन्स पाएको थियो , "सामाजिक संजालमा उल्लेख गरिएको छ ,एम्बुलेन्सले सेवा दिन सुरु गरेको केहि दिन मै विरामी बोकेर काठमान्डौ जादै गर्दा दुर्घटनाग्रस्त भयो । आज वर्षौ विति सक्दा पनि एम्बुलेन्स प्रहरी चौकी मै थन्किएर बसेको छ तर कोहि पनि जनप्रतिनिधिहरुले त्यसलाई संचालनमा ल्याउने चेस्टा समेत गरेनन ।"

१५ वर्ष बिजलपुराबासिले पोखरेललाई जिताउदा पनि यहाँ विकासको मुल फुट्न नसकेको सामाजिक संजालमा उल्लेख गरिएको छ । उनि जनताको सेवा गर्न असक्षम भए भनेर आलोचना समेत गरिएको छ ।