उपेन्द्र पासवान

मंसिर १ 

नागरिक उन्मुक्ति पार्टीका जिल्ला अध्यक्ष रामचन्द्र चौधरीले ढकिया( मुजेलि) छापमा सम्पुर्ण मतदाताहरुलाई  मतदान गर्न आग्रह गर्नु भएको छ ।

नवगठित नागरिक उन्मुक्ति पार्टीका अध्यक्ष रेशम चौधरीको पत्नी रन्जिता श्रेष्ठ हुन।  उनी यसपटक कैलाली–१ बाट प्रतिनिधिसभा सदस्यको उम्मेदवार छिन् । २०७४ सालमा रेशम चौधरीले शानदार जित हासिल गरेको यो क्षेत्रमा यसपटक  रेशम चौधरीको पत्नी रन्जिताले स्थापित दलहरूलाई चुनौती दिएकी छन। संविधानसभाबाट नयाँ संविधान आउनुअघि सुदूरपश्चिमी तराईका आदिवासी थारू समुदाय पहिचान सहितको संघीयताका लागि आन्दोलन गरिरहेका थिए।

त्यसको विरोधमा ‘अखण्ड सुदूरपश्चिम’ आन्दोलन पनि चर्कियो । त्यसैक्रममा २०७२ साल भदौ ७ गतेमा टीकापुरमा ७ जना सुरक्षाकर्मी र एक नाबालकको ज्यान जाने गरी हिंसात्मक घटना घट्यो । उक्त घटनाको दोषी भन्दै सरकारले मुद्दा दायर गरेपछि रेशम चौधरी भूमिगत भए । भूमिगत अवस्थामै कैलाली–१ बाट २०७४ को प्रतिनिधिसभा निर्वाचन लडेका उनी अत्यधिक मतले विजयी बने । त्यसबेला उनले ३४ हजार ३४१ मत पाउँदा नेकपा (एमाले)की मदनकुमारी शाह १३ हजार ३०४ मतका साथ निकटतम प्रतिद्वन्द्वी बनेकी थिइन् ।

चौधरीको त्यो विजयलाई कतिपयले थारू समुदायमाथि राज्यसत्ताले गरेको ज्यादती विरुद्धको प्रतिक्रियाको रूपमा अथ्र्याएका थिए । जिल्ला अदालत र उच्च अदालतले टीकापुर घटनामा दोषी ठहर गरेपछि  रेशम चौधरी संसद जान भने पाएनन् ।

अन्ततः प्रहरी सम्पर्कमा आएका उनलाई जेल चलान गरेर त्यहीं प्रतिनिधिसभा सदस्यको शपथ खुवाइयो । चौधरीको पुनरावेदन सर्वोच्च अदालतमा विचाराधीन छ । मुद्दा नटुंगिएकाले पार्टी अध्यक्ष वा उम्मेदवार बन्न पाएन ।  २०७८ पुसमा दर्ता भएको नागरिक उन्मुक्ति पार्टीको अध्यक्ष र  रेशम चौधरी को पत्नी अहिले कैलाली–१ बाट प्रतिनिधिसभा सदस्यको उम्मेदवार रन्जिता श्रेष्ठ छन । रेशम चौधरी लाई सरकारले षड्यन्त्र गरि झुठो मुदामा फसाइएको छ ।बारा अध्यक्ष रामचन्द्र चौधरीले जानकारी गराउनु भयो ।

रेशम चौधरीलाई जेलबाट निकाल्न  न्याय र देश विकास रोजगारी, शिक्षा, स्वास्थ,  संचार  तथा यातायात विकासको लागि यसपाली सम्पुर्ण मातदाताहरुलाई ढकिया ( मुजेलि ) छापमा मतदान गर्न  बारा जिल्ला अध्यक्ष र मधेस प्रदेशको प्रदेश सदस्य पदको  समानुपातिक उमेदवार रामचन्द्र चौधरीले आग्रह गर्नु भएको छ ।