जनताको समस्या बुझ्न समाजसँगको अन्तरक्रिया जरुरी : महामन्त्री थापा

4 महीना पहिले प्रकाशित

(2080-10-18 B.S.)

641 पटक देखिएको

ममता शर्मा , महोत्तरी

माघ १८ गते ।

नेपाली कांग्रेसको महामन्त्री गगन थापाले जनताको समस्या बुझ्नको लागि समाज सँगको अन्तरक्रिया जरुरी रहेको बताएका छन् । बिहिबार महोत्तरीको मनराशिस्वा नगरपालिका स्थित नेपाल प्रेस युनियनले आयोजना गरेको पत्रकार सम्मेलनमा आफ्नो मन्तव्य व्यक्त गर्दै महामन्त्री थापाले सामाजिक संजालबाट मात्र सबै कुरा थाहा नहुने भएकोले प्रत्यक्ष जनता समक्ष बसेर उनीहरुको समस्या बुझेर समाधानको लागि प्रयास गर्नु आवश्यक रहेको बताए ।

उनले भने , “सबै कुरा सामाजिक संजालबाट मात्र थाहा हुदैन । जनताको समस्या बुझ्न उनीहरुको माझ जनप्रतिनिधि जानु नै पर्छ । हामीलाई कतिपय माध्यमबाट सामाजिक संजालबाट सबै कुरा थाहा भईरहेको छ भन्ने भ्रमले झुक्याईरहेको छ । सामाजिक संजाल तथा संचार माध्यमको प्रभावले राज्य तथा दल समुदायबाट टाढा टाढा हुदैं गईरहेको छ । जसले लोकतन्त्रलाई नै कमजोर बनाइरहेको छ । जनताको समस्या बुझ्न संचारको र सामाजिक संजालको माध्यमबाट नभएर समाजसँग अन्तरक्रिया गर्न जरुरी छ।”

साथै उनले नेपाली कांग्रेसले महोत्तरी जिल्लाको किसानको समस्या , शिक्षाको समस्या ,स्वास्थ्यको समस्या , सिंचाईको समस्या लगायत जुनसुकै समस्या पनि समाधान गर्नको लागि तत्पर रहेको बताए । त्यसको लागि पार्टीको छलफलमा आवाज उठाउने पनि उनले बताए । महामन्त्री थापाले मधेश प्रदेश सरकार नेपाली कांग्रेसको नेतृत्वमा हुनुपर्ने जोड दिए । उनले प्रदेश सरकार किन चाहिन्छ ? भन्ने प्रमाणित गर्नको लागि मधेशमा नेपाली कांग्रेसले नेतृत्व गर्न आवश्यक रहेको पनि बताए ।

हेर्नुहोस भिडियो