ममता शर्मा

महोत्तरी , बैशाख ८ गते

नेकपा माओवादी केन्द्रका नेता भरत प्रसाद साहले आर्थिक समृद्धि र जनताको विकासको लागि सुशासन अनिवार्य रहेको बताउनुभएको छ । शनिबार रेडियो जुनताराबाट सम्मान ग्रहण गर्दै भर्खरै मन्त्रि पदमा नियुक्त हुनुभएका मन्त्रि साहले सो कुरा बताउनुभएको हो । 

मन्त्रि साहले  जनताले न्यायपूर्ण र विभेदरहित समाजको जोडदार माग गरिरहेकोले सम्बन्धित जिम्मेवार व्यक्तित्वहरुले जनताले गरे अपेक्षा अनुरुप कार्य नगरेको हुनाले उनीहरु निराश हुनु स्वाभाविक रहेको बताउनुभयो । 

‘जनतालाई जनप्रतिनिधिबाट भाषण नभएर विकास चाहिएको छ र त्यस अनुसार जनप्रतिनिधिहरुले कार्य नगर्दा उनीहरु निराश भएका छन् , उहाँले भन्नुभयो , “बिगतको भन्दा फरक किसिमले सरकार अगाडी बढाउनुपर्छ । पछिल्लो समयमा मन्त्रि परिषदबाट जनताले निराशा मात्र प्राप्त गरेका छन् । जनताप्रति उत्तरदायी जति हुनपर्ने हो , त्यति हुन सकेन । सरकार भ्रष्टाचार तथा १०% को कमिसनमा  लिप्त भएको जस्तो जनताले महशुस गरिरहेका छन् । त्यसैले अब मन्त्रालय तथा मन्त्रिबाट हुने यस्ता गतिविधिको न्यूनीकरणको लागि मेरो पहिलो कदम हुनेछ र जनतालाई प्रत्याभूति हुनेगरि काम ।”

मन्त्रि भइसकेपछी अनेक चुनौतीको पनि सामना गर्नुपर्ने हुन्छ तर त्यसबीचमा पनि आफ्नो कर्तव्य र जिम्मेवारी बहन गर्दै कार्य गर्ने योजना छ , उहाँले थप्नुभयो , “साथै आगामी दिनमा बजेट पास भइसकेपछी समयमै कार्य गरिसक्ने योजना पनि छ ।द्रुतगतिको साथ जनताको सेवामा अगसर भएर लाग्नु छ। मैले सधै जनताको करिब भएर कार्य गरेको छु र गरिरहनेछु किनभने जनताले मलाई फेरी भोट दिएर निर्वाचित गरायो त्यसको लागि मैले जनताको सदैब सेवा गर्नेछु इमान्दारपूर्वक देश र जनतालाई अगाडि सम्झेर निर्धारित आफ्ना जिम्मेवारीमा लाग्नेछु ।”

बिहिबार मन्त्रि पदमा नियुक्त भएका नेता साहलाई गौशालाको रेडियो जुनतारा १०३.४ मेगाहर्जका संचालक तथा प्रमुख निरन्जन कुमार साहले सम्मान गरेका छन् । साथै मन्त्रि साहले मौलाउदै गईरहेको संचार क्षेत्रलाई उकास्नको लागि आधुनिक प्रविधियुक्त बनाउनुपर्नेमा जोड दिनुभयो । सरकार लामो समयसम्म स्थिर रहेमा संचार क्षेत्र मात्र नभएर समग्र मधेश प्रदेशमै सुशासन र समृद्ध सिर्जनाको लागि कार्य गर्ने प्रतिवद्धता समेत उहाँले व्यक्त गर्नुभयो ।