गौशाला नगरपालिकाको १२ औं नगरसभा सम्पन्न , ९० करोडभन्दा बढीको बजेट प्रस्तुत

28 दिन पहिले प्रकाशित

(2081-03-11 B.S.)

435 पटक देखिएको

ममता शर्मा ।

असार १०, महोत्तरी ।

महोत्तरीको गौशाला नगरपालिकाको १२ औं नगरसभा सम्पन्न भएको छ । सोमबार गौशाला  -४ स्थित रहेको कबर्ड हलमा सम्पन्न नगरसभामा आगामी आर्थिक वर्ष २०८१/०८२ को बजेट नीति तथा कार्यक्रम प्रस्तुत गरिएको छ । गौशाला नगरपालिकाले आगामी आर्थिक वर्षको लागि ९३ करोड १५ लाख ५७ हजार ५ सय बजेट ल्याएको छ ।

आगामी आर्थिक वर्षमा पालिकाले गौशालाको ३ वटा वडालाई साक्षर घोषणा गरिने ,  सामुदायिक विद्यालयमा कक्षा ३ सम्म अङ्ग्रेजी माध्यममा पठनपाठन गरिने , नव संचालित गौशाला बहुमुखी क्याम्पसमा विपन्न छात्रछात्रालाई निशुल्क अध्ययनको वयवस्था तथा बसको व्यवस्था गरिने ,नगर अस्पतालमा विशेषज्ञ स्वास्थ्य सेवा उपलब्ध गरिने, निशुल्क एम्बुलेन्स सेवा ,पालिका भित्र रहेका मावी विद्यालयमा १/१ नर्सको व्यवस्था गरिने, नगर भित्रका सम्पूर्ण क्षेत्रमा स्वच्छ खानेपानीको व्यवस्था गरिने ,सार्वजनिक स्थलहरुमा सरसफाइको व्यवस्था गरिने ,किसानहरुको लागी सिचाइको व्यवस्था , दक्ष जनशक्ति निर्माणको लागि आवश्यक तालिमको व्यवस्था गरिने, पर्यटकिय क्षेत्रहरुको विकास र विस्तार गरिने, वन संरक्षणको लागि बढी भन्दा बढी वृक्षारोपणमा जोड दिइने लगायतको नीति तथा योजना अघि सारेको छ ।

नगरसभामा प्रमुख अतिथिका रुपमा उपस्थित मधेश प्रदेश सरकारका अर्थ मन्त्री भरत प्रसाद साहले गौशाला नगरपालिकाले विकासका समग्र पक्षलाई समेटेर ल्याएको बजेट उचित रहेको बताए ।पालिकाको आगामी आर्थिक वर्षको बजेट जनताको समस्या समाधानमा सहज हुने विश्वास व्यक्ति गरे । उनले भने ,"बजेट प्रसंसनिय र जनताको हकहितको लागि छ । त्यसको लागि प्रदेश सरकार आवश्यक समन्वयको लागि तत्पर रहने छ ।"

साथै अर्थ मन्त्री साहले जनताको विकासको लागि तिनै तहका सरकारबिच तालमेल हुन जरुरी रहेको बताए । उनले मधेश प्रदेश सरकारबाट यसपालि निर्मित बजेट समान रूपमा वितरण गरिएको भए पनि वास्तविक रुपमा समस्या परेको ठाँउमा बजेट वितरण हुन नसकेको जिकिर गरे । मधेश सरकारले ल्याएको बजेटप्रती जनता असन्तुष्ट छ,  उनले फेरि भने ,"धेरै जनाले बजेटप्रती गुनासो गरिरहेका छन् । उपयुक्त र आवश्यकता अनुसार बजेट नआएको भन्दै जनसमुदायमा आलोचना  बढेको छ । खासमा पहिलोको भन्दा यसपटक फरक तरिकाले बजेट तर्जुमा गरिएको हो ।अन्य मन्त्रालयहरुको तुलनामा सबैभन्दा कम बजेट अर्थ मन्त्रालयमा रहेको छ ।आउने दिनमा यो बजेट विनियोजनलाई संसोधन गरि सच्च्याइने छ ।"

त्यस्तै नगरप्रमुख डा. दिपेन्द्र महतोले नीति, कार्यक्रम तथा बजेटमा कृषि, शिक्षा र स्वास्थ्यलाई प्राथमिकता  दिँदै यस आर्थिक वर्षमा गौशाला नगरपालिकाको धार्मिक, ऐतिहासिक र पर्यटकीय क्षेत्रमा आवश्यक विकास गर्ने बताए । साथै उनले गौशालाको बजार व्यवस्थापन , शैक्षिक संस्था व्यवस्थापन र स्वास्थ्य सेवा सहज तवरले उपलब्ध गराइने जानकारी दिए ।जनसमुदायको आवश्यकतालाइ औल्याएर बजेट विनियोजन गरिएको उनले बताए ।

कार्यक्रममा मधेश प्रदेशका अर्थ मन्त्री भरत प्रसाद साह , नगर प्रमुख डा. दिपेन्द्र महतो , उपप्रमुख रेनु कुमारी महतो , जसपाका नगर अध्यक्ष कुमरकान्त झा , प्रमुख प्रसाशकीय  अधिकृत शम्भु ठाकुर ,नेपाली काङ्ग्रेसका नगर प्रमुख प्रत्यासी बसन्त गुरुङ , जसपाका  नेता रमेश महतो , नेकपा एमालेका नेता शंकर महतो , पुर्व उपप्रमुख आशा लामा ,१२ ओटै वडाका वडा अध्यक्षहरु , नगरपालिकाका कर्मचारीहरु ,विभिन्न पार्टीका प्रतिनिधिहरु लगायत बाक्लो सङ्ख्यामा जनसमुदायको उपस्थिति रहेको थियो ।

यो खबर पढेर तपाईलाई कस्तो महसुस भयो ?

'चिन्ताले निन्द्रै आउँदैन कहिलेकाहीं'

नेहा कुमारी साह गाउँ समाजमा सबै मानिसको आ-आफ्नै रहन सहन हुन्छ भने जीविकोपार्जनको तरिका पनि फरक फरक हुन्छ  । वर्त..

8 दिन पहिले

मधेश प्रदेशको अर्थमन्त्री हुँदा साहले २९ दिनमा गरेको का..

निरन्जन कुमार साह महोत्तरी , २८ गते मधेश प्रदेशका नवगठित जनमत पार्टीको सरकारमा माऔवादीकेन्द्रबाट अर्थमन्त्री भ..

10 दिन पहिले

मुसलधारे वर्षाले गौशाला जलमग्न (फोटो फिचर)

ममता शर्मा  महोत्तरी , असार २६ गते महोत्तरीमा बुधबार बिहानैदेखि परेको मुसलधारे वर्षाले गौशाला नगरपालिकाका अ..

12 दिन पहिले

गौशाला बजारमा दिनदहाडै गाइको तस्करी भएपनि सम्बन्धित नि..

जुनतारा संवाददाता महोत्तरी , असार १० गते महोत्तरीको गौशाला बजारको गोरु बजारमा गाईहरुको अव्यवस्थित तरिकाले खरिद..

28 दिन पहिले

गौशाला नगरपालिकाको १२ औं नगरसभा सम्पन्न , ९० करोडभन्दा ब..

ममता शर्मा । असार १०, महोत्तरी । महोत्तरीको गौशाला नगरपालिकाको १२ औं नगरसभा सम्पन्न भएको छ । सोमबार गौशाला  -४ स्..

28 दिन पहिले

मधेश प्रदेशको अर्थमन्त्री हुँदा साहले २९ दिनमा गरेको का..

निरन्जन कुमार साह महोत्तरी , २८ गते मधेश प्रदेशका नवगठित जनमत पार्टीको सरकारमा माऔवादीकेन्द्रबाट अर्थमन्त्री भ..

10 दिन पहिले

जनमत पार्टीको गौशाला नगर अध्यक्षमा विक्रम साह

महोत्तरी ।गौशालामा जनमत पार्टीको दोस्रो नगर अधिवेशन तथा पार्टी प्रवेश कार्यक्रम सम्पन्न भएको छ ।आइतबार गौशाला -..

29 दिन पहिले

नवनियुक्त मन्त्री भरत साहले शपथ ग्रहण गरेसँगै गरे जनताक..

निरन्जन कुमार साह महोत्तरी , जेठ २५ गते मधेस प्रदेशका नेकपा माओवादी पार्टीका नेता तथा मन्त्री साहले शपथ ग्रहण गर..

1 महीना पहिले

माओवादी केन्द्रले मधेश प्रदेश सरकारबाट समर्थन फिर्ता ल..

निरन्जन कुमार साह महोत्तरी , बैशाख ३० गते  नेकपा माओवादी केन्द्रले मधेश प्रदेशका मुख्य मन्त्री सरोज कुमार यादव..

2 महीना पहिले

आर्थिक समृद्धि र जनताको विकासको लागि सुशासन अनिवार्य : म..

ममता शर्मा महोत्तरी , बैशाख ८ गते नेकपा माओवादी केन्द्रका नेता भरत प्रसाद साहले आर्थिक समृद्धि र जनताको विकासको ..

3 महीना पहिले

माओवादीका नेता साहसहित नवनियुक्त मन्त्रीहरुले लिए शपथ

महोत्तरी , बैशाख ६ गते मधेश सरकारमा नियुक्त भएका ३ मन्त्री र एक राज्यमन्त्रीले शपथ लिएका छन् ।बिहीबार मन्त्री निय..

3 महीना पहिले