गौशालामा नेपाल जन जागृति पार्टीको नगर समिति गठन

5 महीना पहिले प्रकाशित

(2082-02-01 B.S.)

961 पटक देखिएको

निरन्जन कुमार साह, महोत्तरी ।
नेपाल जन जागृति पार्टीको नगर समिति गठन कार्यक्रम महोत्तरी जिल्लाको गौशालामा सम्पन्न भएको छ। कार्यक्रममा सर्वसम्मत निर्णयमार्फत रामपुनित मुखियालाई नगर अध्यक्षको रूपमा चयन गरिएको हो।

नव निर्वाचित अध्यक्ष रामपुनित मुखियाले पार्टीको तर्फबाट निषाद समुदायसहित सम्पूर्ण गरिब, दलित, विपन्न तथा उत्पीडित जनसमुदायको हक, अधिकार र विकासको पक्षमा काम गर्ने प्रतिबद्धता जनाए। उनले भने, "निषाद समुदायको आवाज विगतमा कुनै पनि दलले उठाउन नसकेको अवस्थामा हाम्रो पार्टीले तिनीहरूको हक र अधिकारको सुनिश्चितता गराउनेछ।निषाद लगायत समस्त जनसमुदायको उन्नति प्रगति र उत्थानको लागि यस पार्टीले आगामी दिनमा महत्वपूर्ण भूमिका निर्वाह गर्ने छ । त्यसैले म समस्त जनसमुदायलाई यस पार्टीलाई साथ, सहयोग र समर्थनका निम्ति आह्वान गर्दछु ।"

मुखियाले समस्त जनसमुदायलाई पार्टीलाई साथ, सहयोग र समर्थन गर्न आग्रह गर्दै आगामी दिनमा नेपाल जन जागृति पार्टी देशको राजनीतिक मूलधारमा निषाद समुदायलाई अग्रस्थानमा ल्याउन सदैव क्रियाशील रहने बताए।

कार्यक्रममा पार्टीका केन्द्रिय अध्यक्ष धुपलाल प्रसाद निषाद, रामलाल मुखिया, सोनी मुखिया लगायत विभिन्न विशिष्ट अतिथि तथा स्थानिय जनसमुदायको उल्लेख्य उपस्थिति रहेको थियो।