गौशालामा शहीदहरूको स्मृतिमा दीप प्रज्वलन गर्दै श्रद्धाञ्जली कार्यक्रम सम्पन्न

4 दिन पहिले प्रकाशित

(2082-06-24 B.S.)

103 पटक देखिएको

गौशाला, महोत्तरी असोज २४ गते ।

राष्ट्रिय स्वतन्त्र पार्टी, गौशाला नगर समिति द्वारा शहीदहरूप्रति सम्मान प्रकट गर्न आयोजित “श्रद्धा सुमन सभा” बिहीबार साँझ भव्य रूपमा सम्पन्न भएको छ। गौशालाबजारको गणेश चौकमा , सम्पन्न कार्यक्रममा दीप प्रज्वलन गरि मनाइयो , जुन हालै सम्पन्न जेन जि आन्दोलनका क्रममा शहीद भएका नागरिकहरूको अमर स्मृतिमा गरिएको हो।

कार्यक्रममा पार्टीका गौशाला नगरपालिकाका नगर अध्यक्ष ज्ञानेन्द्र प्रसाद गुप्ताले सम्बोधन गर्दै, शहीदहरूको बलिदानलाई आत्मसात गर्दै नागरिक अधिकार, पारदर्शिता र स्वतन्त्रताको मार्गमा पार्टी अडिग रहने विश्वास दिलाए। उनले भने, “श्रद्धा सुमन कार्यक्रम केवल श्रद्धाञ्जली होइन, यो हामी सबैको साझा संकल्प हो ।शहीदहरूले देखेको न्यायपूर्ण, समानतामूलक र स्वाभिमानी राष्ट्र निर्माण गर्ने प्रतिवद्धता हो ।”

उनका अनुसार, यो कार्यक्रम देशभर एकैसाथ सञ्चालन गरिएको श्रद्धाञ्जली शृंखलाको हिस्सा हो, जसले जनताको आवाजलाई अझ बलियो बनाउने प्रयत्न गरेको छ। स्थानीय नागरिक, युवाहरू, महिला समूह ,नेता मन्नु अधिकारी लगायत विभिन्न समुदायको सहभागिता रहेको उक्त कार्यक्रममा देशप्रेम र नागरिक चेतनाको सन्देश प्रवाह भएको थियो। दीप प्रज्वलनसँगै मौनधारण गरेर शहीदहरूप्रति श्रद्धाञ्जली अर्पण गरिएको थियो।