नेपाल राहत शिक्षकको प्रदेश नं २ को अधिबेशन सम्पन, सम्पुर्ण सदस्य निर्बिरोध चयन

4 वर्ष पहिले प्रकाशित

(2077-10-24 B.S.)

3767 पटक देखिएको

माघ २४

नेपाल राहत शिक्षकको प्रदेश नं २ को अधिवेशनमा गंगा प्रसाद यादवको नेतृत्वमा सम्पुर्ण सदस्य निर्बिरोध चयन भएका छन्। धनुषा जिल्लाको जनकपुरधामस्थित मसाला कटेजमा शुक्रबारदेखि प्रदेश अधिवेशन सुरु भइ अबेर रातीसम्म नयाँ कार्यसमिती चयन भएको छ।

चयन भएका नया कार्यसमितीको अध्यक्षमा गंगा प्रसाद यादव, सह अध्यक्षमा जिवछ यादव, उपाध्यक्षमा राम उदगार यादव, महिला उपाध्यक्षमा सुधा झा, महासचिवमा दिलिप महतो, उपमहासचिवमा धर्मेन्द्र कुमार यादव, महिला उपमहासचिवमा ललिता देवि यादव , महिला सचिवमा कामुर यादव, सचिवमा राजिव प्रसाद पटेल, कोषाध्यक्षमा राघबेन्द्र सिह, सहकोषाध्यक्षमा फुलेश्वर यादव त्यस्तै सदस्यहरुमा जितेन्द्र कुमार झा, शुशिला यादव, गौरी मण्डल, उमा कुमारी यादव निर्बिरोध चयन भएका छन। नव गठित समितिलाई पद तथा गोपनियताको सपथ ग्रहन गराइएको छ।

प्रदेश अधिवेशन तयारी समितिको आयोजना भइरहेको कार्यक्रम शुक्रबार उद्घाटन सत्र र बन्द सत्र भएको थियो। अधिबेशनको उद्घाटन शत्रमा बोल्दै केन्द्रीय अध्यक्ष खेमराज अधिकारीले राहत शिक्षकहरुको जयज माग सम्बोधन गर्नको लागि सरकार गम्भीर नरहेको बताउदै अधिवेशनबाट चयन समितिले उठाएको जायज माग सम्बोधन गराउने प्रतिबद्धता गरेका छन।

हालसम्म कार्यरत राहत शिक्षकहरुलाई स्वत स्थाइको लागि प्रक्रिया अगाडि बढाउन महोत्तरी जिल्लाका शिक्षिका सुधा झाले माग गरेका छन ।उनले हामी परीक्षाबाट छनौट भइ आएको छौ र अब बिना परीक्षा हामीलाइ स्थाइ गरिनुपर्ने जोडदार माग गरेका छ।

केन्द्रीय सह अध्यक्ष कृष्ण बिष्टको अध्यक्ष्तामा भएको कार्यक्रमा प्रमुख अतिथीमा नेपाल राहत शिक्षकका केन्द्रीय अध्यक्ष खेमराज अधिकारी, विशिष्ट अतिथीमा बिरेन्द्र मल्ल, बिरेन्द्र पासवान, केन्द्रीय उपाध्यक्ष प्रदिप यादव, केन्द्रीय महासचिव कुमार बजगाइ, प्रदेश नं ३ का संयोजक बासु अधिकारी लगायत प्रदेश नं २ का आठ ओटै जिल्लाका जिल्ला अध्यक्ष र प्रदेश नं २ का प्रत्येक जिल्लाबाट राहत शिक्षक शिक्षिकाहरुको उपस्थिती रहेको थियो।

अधिवेशन तयारी समितिको संयोजक कृष्ण बिष्ट, सद्स्यहरुमा लक्ष्मन प्रसाद यादव, लगायत आठ ओटै जिल्लाका जिल्ला अध्यक्षहरु सदस्य रहेका थिए।