म मेयर भएपछी सरकारी गाडीमा चढ्दिन :लक्ष्मी महतो

राजनीति मुख्य समाचार मधेश प्रदेश

3 वर्ष पहिले प्रकाशित

(2078-12-12 B.S.)

35293 पटक देखिएको

Niranjan Kumar Sah

निरन्जन कुमार साह

चैत्र १२ ,गौशाला

गौशाला नगरपालिका वडा न.२ मा चुनावी प्रचार प्रसार कार्यक्रममा जनता समाजवादी पार्टीका केन्द्रिय सदस्य लक्ष्मी महतोले मेयर भएपछी सरकारी गाडीमा नचढ्ने बताएका छन् ।

शनिबार गौशाला निगौल स्थित चुनावी प्रचार प्रसार कार्यक्रमको क्रममा वडा न.२ मा जसपा पार्टीका वडा अध्यक्ष लगायत वडा सदस्यको नाम सार्वजनिक गरिएको छ । वडा अध्यक्षमा श्याम सुन्दर मण्डल ,वडा सदस्यमा महमुद अन्सारी ,सुरेन्द्र प्रसाद सिंह ,सुनिता देवी चौधरी ,किसुन देवी महराको नाम सार्वजनिक गरिएको छ ।

त्यस्तै उम्मेदवारलाई शुभकामना दिदै नेता कुमर कान्त झाले भने , "जसपा पार्टी बाहेक सबै पार्टीका कार्यकर्ताहरु चोर र भ्रष्टाचारि छन् । कसैले करौडौको घर बनाएका छन् भने कसैले करोडौको गाडीमा चढेका छन् । तर जसपा पार्टीका नेता लक्ष्मी महतोले लाखौ लाख पैसा जनताको दुख र पिडामा अनुदान दिदै आएका छन् । त्यसैले यस पालिको आउने बैशाख ३० गतेको चुनावमा छाता चापमा नै भोट दिई विजय गराउनु पर्छ ।"

त्यस्तै गरि नेता लक्ष्मी महतोले मेयर भएपछी जनताको लागि हरेक तवरले विकास गर्ने र चोर तथा भ्रष्टाचार नेताहरुलाई गौशाला नगरपालिकाबाट भगाएर गौशालालाइ सुन्दर नगरपालिकामा उन्मुख गरि शिक्षा स्वास्थ्यमा विकास गरि आफ्नै गाडीमा चढेर जनताको घर दैलो समक्ष पुग्ने प्रतिवद्धता व्यक्त गरेका छन् ।