कोरोना संक्रमणका कारण बाराको निजगढ नगरपालिका वडा नम्बर ६ माथिल्लो योजनाका एक बालकको मृत्यु भएपछि निजगढ नगरपालिकाले सतर्कता अपनाएको छ ।

4 वर्ष पहिले प्रकाशित

(2077-02-31 B.S.)

3547 पटक देखिएको

दिपेन्द्र जयसवाल,बारा जेष्ठ ३१

कोरोना संक्रमणका कारण बाराको निजगढ नगरपालिका वडा नम्बर ६ माथिल्लो योजनाका एक बालकको मृत्यु भएपछि निजगढ नगरपालिकाले सतर्कता अपनाएको छ । नगरपालिकाले शनिबार बिज्ञप्ति जारी गर्दै औषधि पसल बाहेक सम्पूर्ण व्यवसाय,यातायातका साधन,कार्यालय सञ्चालनमा बन्देज गरेको छ ।

नगरपालिकाका मेयर सुरेश कुमार खनालले बिज्ञप्ति जारी गर्नुहुदै नगरपालिकाले शंकास्पद क्षेत्रमा परीक्षणको क्रम अगाडी बढाईसकिएको बताउनुभयो । अनाश्यक घर बाहिर ननिस्कन मेयर खनालले आग्रह गर्नुभएको छ । कोरोना भाईरस नियन्त्रण गर्न नगरपालिकाले स्वास्थ्यकर्मी र सुरक्षाकर्मीको टोली परिचालित गरि आवश्यक चेकजाँचका कार्यहरु अगाडी बढाईएको मेयर खनालले बताउनु भएको छ ।

निमोनियाका कारण ग्रसित निजगढ नगरपालिका वडा नम्बर ६ माथिल्लो योजनाका ५ वर्षीय बालकलाई शुक्रबार निजगढ देउरालीपथ स्थित निजगढ सामुदायिक अस्पतालमा सामान्य उपचार पश्चात बीरगंजको बिरगंज हेल्थ कियर अस्पतालमा लागिएको थियो । उपचारको क्रममा आरडिटि रिपोर्ट पोजेटिभ देखिएको बालकको स्वाब संकलन गरि नारायणी अस्पतालमा पिसिआर परिक्षणका लागि लगिएको थियो । पिसिआर परिक्षणको क्रममा मृतक बालकको कोरोना पोजेटिभ पुष्टि भएको थियो । मृतक बालकको टोल छिमेक र नजिकको सम्पर्कमा आएकाहरुलाई नगरपालिकाले सेल्फ अईसोलेट गरेको छ ।

मृतक बालकको उपचार गराईएको निजगढ सामुदायिक अस्पताल शिल गरिएको छ ।कोरोना संक्रमणका कारण मृत्यु भएका बालकको शव आज व्यवस्थापन गरिएको छ । बालकको शव वडा नम्बर ६ स्थित जनहित सामुदायिक वन क्षेत्रमा व्यवस्थापन गरिएको हो । शवलाई निजगढ नगरपालिका,प्रहरी र स्वास्थ्यकर्मीको सहयोगमा नेपाली सेनाको टोलीले व्यवस्थापन गरेको हो । शव व्यवस्थापनको क्रममा मृतक बालकको बुवा,आमा र हजुरबुवालाई मात्रै सेनाले सहभागी गराएको थियो ।