प्रेस सेन्टर नेपालको १९ औं साधारण सभा सम्पन्न

2 वर्ष पहिले प्रकाशित

(2080-04-27 B.S.)

3725 पटक देखिएको

साउन २७ गते
ममता शर्मा
प्रेस सेन्टर नेपालको १९ औं साधारणसभा सम्पन्न भएको छ । शनिबार जनकपुरको जानकी दरबार होटेल स्थित नेकपा माओवादी पार्टीको भातृ संगठन प्रेस सेन्टर नेपालको १९ औं साधारणसभा भव्य रुपमा सम्पन्न भएको हो ।
साधारणसभामा नेपाल कम्युनिष्ट पार्टी माओवादीको मधेश प्रदेश इन्चार्ज लीलामणि पोखरेल , प्रेस सेन्टरका केन्द्रिय अध्यक्ष विश्नु प्रसाद सापकोटा ( जुगल ) , नेकपा माओवाद केन्द्रका महोत्तरी जिल्ला इन्चार्ज राजु खड्का , प्रेस सेन्टर नेपालको मधेस प्रदेश इन्चार्ज गोविन्द देवकोटा लगायत नेपाल पत्रकार महासंघ महोत्तरी ,धनुषा जिल्लाका विभिन्न पदाधिकारी , विभिन्न संचार माध्यममा आवद्ध पत्रकारहरुको सहभागीता रहेको थियो ।

कार्यक्रम उपस्तिथि विभिन्न वक्ताहरुले संगठनलाई बलियो बनाउनेतर्फ सम्पूर्ण सम्बन्धित व्यक्तित्वहरु लागि पर्नु पर्ने बताए । जनताको जनजीविकाको बारेमा आवाज बुलन्द गर्ने कार्यमा प्रेस सेन्टरले उल्लेखनिय भुमिका निभाउदै आएको र प्रेस सेन्टरको संगठनात्मक संरचनालाई चुस्त दुरुस्त राख्नको लागि बेलाबेलामा प्रशिक्षण, साधारण सभाको आयोजना गरी संंगठनमा निखार ल्याईने कुरामा जोड दिदै पत्रकारिता पेशालाई सुदृढीकरणका लागि संगठनका सबै सदस्यको साथ र सहयोगको अपेक्षा गरिएको कार्यक्रमका प्रमुख अतिथी लीलामणि पोखरेलले बताए ।