ममता शर्मा , महोत्तरी ।

महोत्तरीको बर्दिवासमा नेपाल रेडक्रस सोसाइटीले ६१ औं स्थापना दिवस मनाएको छ । मंगलबार रेडक्रस सोसाइटीले बर्दिबास नगरपालिका वडा न. ९ स्थित श्री जनमुखी आधारभुत विद्यालय पशुपति ,बर्दिबासमा विभिन्न कार्यक्रम गरि मनाएको हो ।

विद्यालय रेडक्रस सोसाईटीको आयोजनामा संचालन भएको कार्यक्रममा स्टेसनरी ,खेलकुद र किचेन सामाग्री हस्तान्तरण , आँखा तथा दन्त सिविर,  रक्तदान , फुल बिरुवा रोपन कार्यक्रम गरिएको हो ।

कार्यक्रममा नेपाल रेडक्रस सोसाइटी बर्दिवासका प्रमुख सुदिप यादव , माननीय सांसद शारदा देवि थापा ,बर्दिवास नगरपालिकाका नगर प्रमुख प्रह्लाद कुमार क्षेत्री , उपप्रमुख तारादेवी महतो , प्रमुख जिल्ला अधिकारी दिपक पहाडी , इलाका प्रहरी कार्यालयका इन्चार्ज बिजय यादव , वडा न. ९ का वडा अध्यक्ष घोरन महतो , पालिकाको स्वास्थ्य शाखा प्रमुख रामबाबू यादव , वडा न. ७ का वडा अध्यक्ष रामसोगारथ यादव , रोटरी क्लब बर्दिवासका प्रतिनिधि कृष्ण गौतम , सर्पदंश उपचार केन्द्रका सरिता ढुंगाना , मटिहानी कलेजका प्रमुख ईश्वर पौडेल , विद्यालय व्यवस्थापन समिति अध्यक्ष रामएतबाल यादव , विद्यालयका प्रधानाध्यापक धर्वेन्द्र कुमार महतो लगायत विभिन्न जनसमुदाय ,संचारकर्मीहरुको सहभागीता रहेको थियो ।

कार्यक्रममा विद्यालयले विभिन्न मागहरुसहितको ज्ञापन पत्र समेत नगर प्रमुख क्षेत्रीलाई बुझाएको छ । पत्रमा विद्यालयलाई जग्गाको आवश्यकता रहेको उल्लेख गर्दै  भवन ,चमेना गृह ,कम्प्युटर सहितको कम्प्युटर ल्याब ,ल्यापटप , प्रोजेक्टर ,इन्भर्टर ,डेस्क बेन्च , खेलकुद सामग्री , लाइब्रेरी ,फर्निचर ,कार्पेट  लगायत विभिन्न शैक्षिक सामाग्रीहरु पालिकालाई उपलब्ध गराइदिन अनुरोध गरिएको छ ।

कार्यक्रममा नेपाल रेडक्रस सोसाइटीले विद्यालयलाई विभिन्न शिक्षिक सामग्री , किचेनको सामग्री , खेलकुदको सामग्री लगायत हस्तान्तरण गरेको हो । यसक्रममा उपस्थित विभिन्न अतिथिहरुले विद्यालयलाई सक्दो सहयोग गर्ने वाचा गर्दै मनोज महतोले विद्यालयलाई आवश्यक पर्ने इटाको व्यवस्थापन , प्रमुख जिल्ला अधिकारीले रकम पाँच हजारको व्यवस्थापन गर्ने प्रतिबद्धता व्यक्त गरेका थिए । त्यस्तै नगर प्रमुख क्षेत्रीले विद्यालय आवश्यक परेको खण्डमा हरेक तवरले सहयोग गर्ने प्रतिवद्धता समेत गरेका छन् ।