अत्याधुनिक सुबिधासम्पन्न आईसोलन कक्ष आज देखि संचालन

5 वर्ष पहिले प्रकाशित

(2077-03-09 B.S.)

6455 पटक देखिएको

दिपेन्द्र जयसवाल असार ९

रौतहटको चन्द्रपुरमा अत्याधुनिक सुबिधासम्पन्न आईसोलन कक्ष आज देखि संचालनमा आएसंगै संक्रमित बिरामी राखिएको छ । यस अघि बनाइएको क्वारेन्टाईन लाईनै आईसोलेसन कक्ष बनाईएपनि अब भने छुट्टै निर्माण गरिएको आईसोलेसन कक्षमा संक्रमित राखेर डाक्टरको प्रत्यक्ष निगरानीमा उपचार गराईने छ ।

रौतहटको चन्द्रपुर, बृन्दाबन, गढीमाई, गुजरा नगरपालिकाका ३२ जना संक्रमित लाई सो आईसोलन कक्षमा आज देखि राखिएको छ । चन्द्रपुर नगरपालिका वडा नं.२ स्थित सहिद स्मृती पार्कमा ४० बेडको सुबिधासम्पन्न आईसोलेसन कक्षको निर्माण गरिएसंगै संक्रमित लाई सो आईसोलेसन कक्षमा राखिएको हो । चार खण्ड सहितको कक्षमा सात वटा एसी र छुटाछुटै शौचालयको प्रबन्ध समेत रहेको । रौतहटमा कोरोना भाईरसको संक्रमित संख्या बढदै जान थालेपछि चन्द्रपुर, बृन्दाबन, गुजरा र गढीमाई नगरपालिकाको संयुक्त लगानीमा सुबिधा सम्पन्न आईसोलेसन कक्षको निर्माण गरिएको हो ।

सो आईसोलेसन कक्ष निर्माण गर्न चार वटै नगरपालिकाले ७० लाख बजेट बिनियोजन गरेको थियो । चन्द्रपुर नगरपालिकाको २५ लाख, बृन्दाबन, गुजरा र गडिमाई नगरपालिकाको १५ १५ लाखको लागतमा ४० बेडको आईसोलेसन निर्माण गरिएको हो । रौतहटमा समेत १ हजार ५९ जनामा कोरोना भाईरसको संक्रमण देखिसकेकोको छ । यो संख्या अझै बढन सक्ने अनुमान गरिएको छ । रौतहटको क्वारेन्टिनलाईनै आइसोलेशन बनाएर ३१ महिला र ५८१ जना पुरुषलाई राखिएको छ ।

ईलाका प्रशासन कार्यालय चन्द्रनिगाहपुरका उपसचिव चेतनाथ बरालले कोरोना भाईरस नियन्त्रणको लागि पालिका सित मिलेर कार्य अघि बढेको बताउनु भयो । नेकपाका जिल्ला ईन्चार्ज युवराज भट्टराईले सबैको चिन्ता र चासो रहेको कोरोना भाईरस नियन्त्रण गर्न आबश्यक पुर्बाधारमा सबैको सहमति कायम रहेको बताउनु भयो ।