दाहालद्वारा केपी ओलीलाई हटाउन अबको आन्दोलन निर्णायक हुने दाबी

5 वर्ष पहिले प्रकाशित

(2077-10-11 B.S.)

3314 पटक देखिएको

माघ १२

नेकपा (नेपाल कम्युनिष्ट पार्टी) दाहाल समूहका अध्यक्ष पुष्पकमल दाहालले अबको आन्दोलन केपी ओलीलाई हटाउन निर्णायक हुने दाबी गर्नुभएको छ ।

एक कार्यक्रम उनले टाउकोमै हान्नुपर्ने खालको निर्णायक आन्दोलन काठमाडौंमा गर्न लागिएको बताउनु भएको छ जनकपुरमा गर्न लागिएको सभा रोकेर काठमाडौंमा सभा गर्न लागिएको र त्यसले छिनोफानो गर्ने पनि उहाले जानकारी दिनुभएको छ ।

उनले भने , ओलीले जत्रो सभा गरे पनि पञ्चर्‍याली भन्दा फरक हुने छैन । अन्तिम समयमा राजा महाराजाबाट पनि यस्ता र्‍याली निस्कन्थे । दाहालले ओलीलाई ‘सामन्ती’को संज्ञा दिँदै संविधान, गणतन्त्रलाई उल्ट्याउन कम्युनिस्ट पार्टी भित्रै घुसेका सामन्तीहरु लागिरहेको आरोप लगाउनुभयो ।

देशलाई सामन्ती, निरंकुशता, प्रतिगमन र अराजकतातिर धकेल्ने षड्यन्त्रविरुद्ध देशव्यापी रुपमा आन्दोलन भइरहेको भन्दै त्यसलाई परास्त गरेरमात्रै विश्राम लिने दाहालको भनाइ थियो ।

बैठकको अध्यक्षता आलोपालो गरिने भन्दै, उनले पार्टी एकता गर्दा एक नम्बर र दुई नम्बर अध्यक्ष नभनिएको, प्रधानमन्त्री पनि आलोपालो गर्ने सहमति भएकोमा ओलीले नमानेर सहमति तोडेको भन्दै दाहालले अहिले पनि माधव नेपाल आफू बराबरी हैसियतको अध्यक्ष रहेको प्रष्ट्याउनुभयो ।

उनले जसले बैठकको अध्यक्षता गर्छ, उही एक नम्बरको हुने पनि बताएका छन् ।