नागरिक आरोग्य सेवा केन्द्रको उद्घाटन कार्यक्रम सम्पन्न

4 वर्ष पहिले प्रकाशित

(2077-12-08 B.S.)

7359 पटक देखिएको

चैत्र ८ ,गौशाला

महोत्तरीको गौशालामा आज पुरानो नगरपालिकाको भवनस्थित नागरिक आरोग्य सेवा केन्द्रको उद्घाटन भएको छ । पुर्व शिक्षा बिज्ञान तथा प्रविधि मन्त्रि गिरिराज मणि पोखरेलले सो उद्घाटन गरेका छन् । गौशाला नगरपालिकाको सहयोगमा र जिल्ला आयुर्वेद स्वास्थ्य केन्द्र ,जलेश्वरको आयोजनामा सो उद्घाटन कार्यक्रम सम्पन्न भएको छ ।

आम जीवनमा रोगहरुबाट लड्नको लागि औषधिको मात्रै आवश्यकता नभई आयुर्वेदिक उपचारले पनि महत्वपुर्ण भूमिका निर्वाह गरेको छ । जसको कारण स्थानीय स्तरमा प्रभावकारी र गुणस्तरीय औषधोपचारको लागि सो सेवा केन्द्र स्थापना गरिएको जनाइएको छ । बिशेष गरि सो केन्द्रले ज्येष्ठ नागरिकहरु जो विभिन्न रोगहरुबाट ग्रसित हुन्छन , उनीहरुलाई लक्षित गरि सहज रुपले सेवा प्रदान गर्ने भएको छ ।

जिल्ला आयुर्वेद स्वास्थ्य केन्द्रका अध्यक्ष डा.नन्द किशोर प्रसाद कुशवाहाले अध्यक्षता गरेका सो उद्घाटन कार्यक्रममा प्रमुख अतिथि पुर्व शिक्षा मन्त्रि गिरिराजमणि पोखरेल ,विशिष्ट अतिथि गौशाला न.पा.नगरप्रमुख शिवनाथ महतो तथा उपप्रमुख आशा लामा,नेकपाका केन्द्रिय सदस्य प्रकाश पोखरेल,गौशाला न.पा.का प्रमुख प्रशासकीय अधिकृत बिरेन्द्रजंग थापा ,नगर प्रवक्ता भोजबहादुर दर्लामी ,वडा न.१ देखि वडा न.१२ सम्मका वडाध्यक्ष ,नेकपाका नगर पार्टी प्रमुख बिष्णु लामा लगायत स्थानीय स्वास्थ्य स्वयंसेवक , ज्येष्ठ नागरिक ,स्वास्थ्यकर्मीको सहभागिता रहेको थियो ।