सम्सीमा विद्यालय स्वास्थ्य तथा पोषण सप्ताह कार्यक्रममा पुरस्कार वितरण

1 वर्ष पहिले प्रकाशित

(2081-02-08 B.S.)

1250 पटक देखिएको

निरन्जन कुमार साह

महोत्तरी , जेठ ८ गते

महोत्तरीको सम्सी गाउँपालिकामा विद्यालय स्वास्थ्य तथा पोषण सप्ताह कार्यक्रममा पुरस्कार वितरण गरिएको छ । विद्यालय स्वास्थ्य तथा पोषण सप्ताह अन्तर्गत पालिका स्तरीय अन्तर माध्यमिक विद्यालय प्रतियोगिता अन्तर्गत वक्तृत्व कला , दोश्रो दिन हाजिरी जवाफ प्रतियोगिता र तेश्रो दिन चित्रकला प्रतियोगिता गरि प्रथम दोश्रो र तृतीय हुने विद्यार्थीहरुलाई पुरस्कार वितरण गरिएको छ ।

मंगलबार सम्सी गाउँपालिका अन्तर्गत श्री राष्ट्रिय मा.वि. पर्सा देवाडको प्रांगणमा सम्पन्न भएको पुरस्कार वितरण कार्यक्रममा ९ जना विद्यार्थीलाई पुरस्कार वितरण गरिएको हो । वक्तृत्व कला प्रतियोगितामा सुसित कुमार यादव , पुजा कुमारी साह र उजमा खातुन क्रमशः पहिलो, दोस्रो र तेस्रो भएका छन् । चित्रकला प्रतियोगितामा प्रथम निशु कुमारी यादव , द्वितीय सुधिरा कुमारी सहनी , र तृतीय नुरी खातुन भएका छन् । हाजिरी जवाफ प्रतोयोगितामा श्री जनता मा.वि. सम्सी प्रवाह प्रथम , श्री साइनिंग पाथ इंगलिस बोर्डिंग स्कुल सम्सी द्वितीय र श्री राष्ट्रिय मा.वि. पर्सा देवाड तृतीय भएको छ ।

कार्यक्रममा गापा अध्यक्ष रामनाथ यादव , उपाध्यक्ष अनिता कुमारी , प्रमुख प्रशासकीय अधिकृत गणेश चन्द्र मिश्र , वडा न. २ का वडा अध्यक्ष शेष अन्जारे , वडा न.६ का वडा अध्यक्ष शेष उमैर , राजनारायण साह , शिक्षा शाखा प्रमुख विनोद कुमार यादव लगायत शिक्षक, विद्यार्थी, अभिभावक, राजनीतिक दलका प्रतिनिधि तथा जनसमुदायको उपस्थिति रहेको थियो ।