आसमान नेपालको आयोजनामा सुरक्षित सिकाइ कार्यक्रम सम्पन्न

6 वर्ष पहिले प्रकाशित

(2077-11-14 B.S.)

4470 पटक देखिएको

फाल्गुन १४ ,औरही

आज औरहिको श्री प्रसाद सिंह मा.वि.मा आसमान नेपाल द्वारा आयोजना गरिएको सुरक्षित सिकाइ कार्यक्रम सम्पन्न भएको छ । जसमा सहयोग वर्ल्ड एजुकेशन र समन्वय औरही न.पा.को शिक्षा शाखाले गरेका छन् ।

सुरक्षित सिकाइ कार्यक्रममा बाल संरक्षण र लैङ्गिक हिंसा न्यूनीकरण बारे नगरपालिका स्तरीय अभियान सम्बन्धि वक्तृत्वकला ,चित्रकला ,निबन्ध लोक सांस्कृतिक नृत्य ,कविता वाचन प्रतियोगिता गरिएको छ ।

मनोरंजनपूर्ण रुपमा सम्पन्न गरिएको उक्त कार्यक्रममा औरही न.पा.को शिक्षा शाखाका प्रतिनिधि विजय देवकोटा ,सोहि विद्यालयका प्र.अ. शिवसरण यादव, सहायक प्र.अ. सत्यनारायण महरा लगायत नगरभित्रका विभिन्न विद्यालयका प्रधानाध्यापक तथा विद्यार्थीहरु सहभागी रहेका छन् ।

त्यसैगरि कार्यक्रममा चित्रकला प्रतियोगितामा प्रथम सोंफी दशैँ मा.वि श्रीपुरका रोहित राम ,द्वितीय ने.श.आ.वि. कठुधारका पुजन कुमार राम र तृतीय मा.वि.वैरियाका सुनिल कुमार भुखिया भएका छन् ।

त्यस्तै वक्तृत्व कला प्रतियोगिता अन्तर्गत प्रथम श्री पसाद सिंह मा.वि. औरहिका सिमा चौधरी ,द्वितीय सोंफी दशैँ मा.वि. श्रीपुरका लालेंद्र यादव र तृतीय श्री प्रसाद मा.वि.औरहिका मनिषा यादव भएका छन् ।

आजोजक आसमान नेपालको उद्देश्य २ न.प्रदेशको ८ वटै जिल्ला मा ३७ पालिकामा २५० विद्यालयमा कक्षा ८-१० सम्मका विद्यार्थीलाई यसै सम्बन्धि प्रतियोगिता गराउने रहेको जनाइएको छ ।